西九龍中心風水局大拆解！圓形商場為封污糟嘢 門口雙柱去到「天龍過山車」全是風水陣？！網民：喺中庭凝住會有人跳樓｜玩樂熱話
廣告
西九龍中心風水局｜講起商場，大部分香港人都一定去過西九龍中心，佢夾係長沙灣政府合署同警處中間，交通方便，入面仲有個好大嘅溜冰場，「天龍過山車」更加係全港唯一嘅室內過山車，但無論美食廣場定奇趣天地，都唔夠街坊口耳相傳嘅都市傳聞咁吸引，更有網民指其中嘅風水格局，其實大有玄機！
西九龍中心靈異事件 過山車疑因鬧鬼停駛？
西九龍中心慘變死場！
長長兩條白柱棟正係正門。（圖片來源：Google Maps）
西九龍中心風水局 由門口兩條柱去到「天龍過山車」都係為左⋯⋯？！
西九龍中心原址為深水埗軍營，二戰時日軍改為戰俘集中營，西九龍中心則於1994年11月落成開幕，發展商知道呢度死過好多人，所以一早就請左風水師幫手，聚財吸金之餘亦可鎮壓亡魂。商場正門對住長如劍嘅汝洲街，兩條白柱可以鎮住呢股衝氣擋煞外，加上相互交錯嘅電梯可以守住財星不外洩。
另外以龍鎮守嘅風水陣，佈局設計自然會互相配合，正所謂龍生九子，商場正好九層，而圓形中心嘅建築更係引龍吐珠，有生財聚運嘅作用。而畫龍點睛嘅一個設計就係貫穿頂樓兩層嘅過山車，亦都係以飛龍作為造型，形成飛龍在天嘅格局看守整座大樓。
但自從2003年過山車因為安全考量而停駛後，西九龍中心就變得漸死寂，先施百貨由開幕初期七層縮減至三層，其他樓層則分拆成小舖以及蘋果商場，但自此以後奇怪嘅事就陸續發生。由09年至17年就有六宗跳樓身亡事件，其中有四宗都由7樓跳出！
廁所點解九曲十三彎先行到？
西九龍中心各層廁所除左污糟同臭之外，仲出左名行好耐先會到，其中有幾層甚至要過埋架貨𨋢先會見到門口。其實自從飛龍變死龍後，好多靈界嘅朋友因為不再受龍局所果，所以成日會出黎走動，而廁所呢類濕冷地方屬至陰，非常容易招引同聚集鬼魅。
而6樓女廁仲曾經有女仔見到鬼，嚇到尖叫失色跑返出黎，所以裝修之後就男女廁掉換位置，借助男性陽氣去驅散陰間嘅朋友，而九曲十三彎長廊設計一嚟可以令陰氣霉運遠離商場本身，另外亦希望可以間接困住遊魂野鬼，等佢地唔好係商場入面搞搞震！唔知大家以後仲敢唔敢去西九啲廁所呢？（不過西九龍個廁所好污糟，臭到唔敢去嘅機率可能更高！）
西九龍中心在哪裡？
深水埗欽州街。
西九龍中心有什麼風水陣？
Click入內文睇就知啦！
圖片來源：高登討論區、連登討論區、新假期編輯部、電影《陰容院在》截圖、ERROR《愛情值日生》MV、Google Maps
