港女行山｜港男發現女友愛一起行山有原因！網民：證明你仲有利用價值｜玩樂熱話

女友愛一齊行山原來只是因為XXX

最近有港男大呻和女友行山時有苦自己知。他表示，本身在星期六和女朋友及其他朋友一齊去行山，由於樓主和女朋友較少去戶外活動，所以不知要準備甚麼，只帶水和乾糧，以及臨出門口問阿媽拎的防蚊貼。

樓主本身以為入秋應該帶一個蚊貼行山就夠用，點知一開始行已經被蚊咬左幾下，幸好有朋友的蚊怕水借用噴了幾下，不過由於樓主太過惹蚊，被一隻蚊咬開一路上再噴蚊怕水都無用…….直至行到上山頂，他問其他人有冇畀蚊咬時，才發現成段路只得他一個被蚊追住咬。

最後女朋友更講出真相：平時經過公園草叢他都會被蚊咬，好在有叫埋他行山，如果不是一定是自己被蚊咬。更表示：「有個惹蚊的男朋友真係好，完全唔使擔心會畀蚊咬」。

港男指自己一向好憎戶外活動是因為知自己惹蚊，不過女朋友開聲叫到，唯有陪她去一次半次，點知原來她只是不想自己被蚊咬，表示終於知女朋友鍾意自己D咩，覺得發現真相後心碎。

網民狂食花生：證明你仲有利用價值！

帖文一出之後，不少網民都回應樓主，更有不少人狂食花生，紛紛表示：「你女友只是鍾意你惹蚊」、「如果有一日我唔惹蚊 可能佢就唔愛我」、「說明了你仲有利用價值」。

亦有現實派的網民指，聽完樓主的故事，學到的道理就是「原來女朋友當你係蚊貼用」、「我信找個惹蚊人，就可以惠及其他人。」同時有人指行山時防蚊好重要：「真係要防蚊咬，因為白紋伊蚊係非常之危險」

另外，回應中亦不少同是惹蚊人士，更有惹蚊網民教授防蚊之法。「其實血型及體味（不是體臭）會吸引到蚊子注意」、「我都係易惹蚊,要帶手袖,用蚊膏,仲要出門前沖涼」，有人就質疑出門前沖涼有咩成效，惹蚊之友就指，親身試驗過沖涼後可能有肥皂味，行山時可減少被蚊吠。

資料來源：香港討論區