打工仔被新公司逼10度天氣下行山 ！網民：出意外保險賠唔賠？｜玩樂熱話
廣告
不少公司都會搞團體活動，讓公司所有同事一齊參與。最近有打工仔表示，入職的新公司決定要去行山，不過事主事先確認當日溫度得10度，事主十分擔心：「得10度，都要繼續去」，網民熱烈討論，更有人教事主1招應對。
新公司下令所有同事一起去行山
最近有網民在Facebook「奴工處」發文，事主表示今年第一年入新公司，公司活動預了17號去行山，事主因為算是新人，所以無奈之下都一定要去。事主事前查過天氣報告，發現行山當日溫度只有10度：「但17號得10度，都要繼續去，真係痴線」。
網民教事主請病假完美避開
不少網民建議事主請病假，「呢啲時候梗係要拗柴啦」、「唔去咪得囉，唔通炒你咩」、「之後一星期病假」、「陽咪即刻唔使去，話確疹，武肺有時都幾好用」、「唔係上班日，唔去」。
網民建議問清楚出意外會否賠償
有網民覺得公司建議行山已經好好，不過如果當日下雨的話就應該取消活動，更有網民建議事主問清楚如果出意外，公司保險會否賠償，「拉好筋冇問題，大雨就唔去得」、「行山熱到飛起，放心」、「如果出意外公司保險賠唔賠？個日假期會唔會補返」、「算好啦，無話游冬泳」。
很多打工仔不喜歡參與公司活動
不過有很多打工仔表示不喜歡參與公司的團體活動，「我覺得最大問題係啲公司orientation時要成班新同事一齊玩遊戲，最憎」、「有時啲公司都幾黑人憎，當年我去一間公司，要我同其他新入職同事週年晚宴跳舞唱歌，要午飯時間練習，到正式個日之前仲要個朝去book場練習一個早上」、「我入過間公司，入職兩個月話去公司旅行，入職個時話做唔夠一年離職要賠返旅行錢，然後八個月後公司局我走（一而再再而三咁加職責以外嘅工作比我），走之前HR仲想我賠錢，然後我鬧佢（加完一樣又一樣仲想叫我賠錢？），最後無賠錢走人」。
圖片來源：Facebook@奴工處、TVB《愛．回家之開心速遞》劇照、《美女郊遊遊》劇照
