連登仔發表行山意外「偉論」被炮轟：人可以7日唔食嘢！ 網民：求真人直播！

行山意外不可能多 樓主見解太獨到震驚一班網民

早排因為疫情限制好多人都去行山，呼吸下新鮮空氣，不過有人可能因為行山經驗淺，或者獨自上山，因而發生意外。有人就「行山點解會出事?」為題，在討論區中發表自己的看法，覺得「只要跌唔死加有枝水，人可以7日唔食嘢」認為不會因行山而出意外死亡。其「偉論」一出，不少網民都表示震驚，更合力反擊樓主。

樓主認為，行山不可能出太多意外：「加埋香港咁細，要搵根本唔難，但唔知點解成日都有行山失蹤，最後死亡嘅新聞」。樓主更引用早前一套美國電影《127小時》作為例子，當時電影中的主角都是只得枝水，卡在岩石狹谷中間，仲要手動截肢都可以捱足127小時，因此覺得人有水的話，唔食嘢7日根本沒有問題。

電影《127小時》改編自美國登山家艾倫·洛斯頓的自傳，講述他攀登大峽谷時發生意外，其右手前臂被巨石壓住而動彈不得，經過127個小時的不懈努力得以脫困的故事。

網民反擊：邏輯有問題！

帖文一出引起不少網民反擊，不少人都認為樓主邏輯有問題，有人指：「香港細？你試下搵個同你一樣戇X嘅朋友去獅子山掉個Mary落山坡，睇下你要用幾多年先搵到」、「自以為聰明嘅小朋友真係好搞笑，係屋企跌親都可以失救而死，何況係危機四伏嘅荒山野嶺」。

有部分網民嘗試與樓主理性分析，表示：「就係跌死」、「低溫症，加上山上天氣變化，遇上未知環境，做錯一個決定都會死」。亦有網民認為，好多人行山都不熟路又不上網做research，行山時扮抄路行，去沒有指示牌小徑；另外最多出事原因是年紀大的人士太高估自己能力，諗住跟住一班人沒有危險，點知發生事都是個個自保，救人就不了，通常都係失足跌親失救。

有網民就勸樓主咪再戇X駁嘴，亦有人支持樓主開live直播上山1L水頂七日，更指自己會課金支持，不過最好加插失足跌落山（跌唔死）環節，實行表演真人show。