藤原浩開微博Weibo 網民Dislike：「人民幣真香！」
廣告
藤原浩貴為一代潮流教父，曾為唔少產品點石成金，而其自家品牌fragment design亦曾係潮流界代表性品牌。不過唔知係咪近期生意難做，屬於日本人嘅藤原浩，近日竟然開咗微博Weibo，可謂震驚十三億人口。藤原浩突然開設微博Weibo，原因雖然未知，但已經有網民留言話：「人民幣真香」，更有唔少網民表示dislike，唔知藤原浩先生點應付呢。
撰文：拓海｜圖片來源：Instagram、微博 ｜編輯：Bonita ｜原文刊於：新Monday
藤原浩開微博Weibo
潮流教父藤原浩近日(8/2/2021)建立微博Weibo帳號，暫時都係出咗幾個posts，分享下一啲潮流單品。不過外間估計，藤原浩突然建立微博Weibo帳號，應該係為日後宣傳自己嘅products居多，是真是假？大家拭目以待啦！
藤原浩突然開微博，但係有唔少網民表示dislike，今次點算呀？
藤原浩早前買錯假Rolex
藤原浩最近負面新聞真係一籮籮，早前佢喺其個人IG上大曬新入手嘅Rolex軍潛5517，但經古董Rolex專家朋友網上檢查後，大家都100%話隻錶係假嘅。
