葵涌停車場超蠱惑 車主慘被2倍錢！多位網民中招：另一招仲奸仲呃錢

葵涌停車場超蠱惑　一招收車主2倍錢！

網民在Facebook群組「泊車優惠及收費情報區（香港）」內貼出3張圖片，稱最近因為要在葵涌一帶處理事情，在途經葵涌貨櫃碼頭路的一個露天停車場時，看到場外圍欄的黃色橫額寫著「$18、日泊$100、夜泊$60」的價錢，感覺便宜合理於是拍卡進入泊車。

事主處理事情後大約在半小時後回到現場取車，然而在出閘拍卡時被扣數$36元，事主心想$18元一小時，只泊半小時，又何來2小時的計法？於是他返回停車場更亭詢問車場姐姐，對方回答「最低消費兩小時」。事主不禁表示「我都知停車場一向魔鬼在細節，所以都費事同佢拗，露天場永不錄用，$18當買教訓」，怒批「作為一個露天場已經唔係平過商場，出面淨係寫價錢，如果知有最低消費，我會揀返泊新都會」，提醒其他車主們小心中伏。

多位網民曾中招：另一招仲奸

帖子發布後有多位網民都表示曾經中伏，稱「尋日先中伏，門口$18果度完全無寫，架車泊咗八達通入去，之後個人行到去裏面更亭嗰張先至見到細細隻字寫住最低消費兩個鐘」、「衰極通常都係門口banner有行細字寫住最低消費，博你睇唔到，呢度直頭唔寫，姐係明屈」。除此之外，網民也稱這個露天停車場最陰濕的是「要同佢講日泊佢先會計你日泊，如果冇講，佢段鐘計」，泊足幾日「時租」的話，埋單真係會喊出嚟！

網民反串事主自己冇睇清楚！

不過也有泊開爛地停車場的網民留言，稱很多爛地場現時最低消費2小時，嘲樓主自己沒有看清楚收費，「喺車場門口問定收幾錢，先再渣架車入去，這是常識吧？」、「講真唔係想串你，但係因為36蚊車場錢就要生要死，你都係搭巴士會適合d」。不過其他網民就強調問題不是價錢，而是停車場沒有在場外「清楚列明收費標準」、「就算飲茶收茶錢，都應該喺餐牌度寫茶錢幾多一位啦，唔係話好多都係咁就唔寫架嘛」，更別說「兩個鐘頭最低消費根本就唔合理」這件事，為樓主抱打不平。