港女怒轟男友約自己父母去玩萬聖節鬼屋：「會嚇親佢哋㗎！」｜玩樂熱話

萬聖節鬼屋｜港男約女友父母一齊去玩Halloween

事主表示男朋友每年都會玩Halloween，不過男友去鬼屋是為了要睇靚女，「佢唔係想去玩鬼屋而係佢想去睇下有冇靚女睇，我都唔明化妝化到咁都睇得出係靚女？」。

女友阿爸竟然應承

事主更表示最近與男友傾電話時，男友竟然主動約她的父母一齊去玩halloween，事主覺得男友都沒有約自己父母去玩鬼屋，「做咩要捉我父母陪你一齊去？我話會嚇親佢地㗎，好衰唔衰阿爸經過聽到，阿爸應承咗佢！阿爸仲話其實佢一直都好想去玩鬼屋，不過因為我驚所以佢地唔敢帶我去」。

男友表示會保護女友

最後變了男朋友與事主爸爸傾電話，「又話依家有消費券啱晒，可以唔洗自己出錢」，另一方面男友現在知道女友不敢去Halloween的原因後，「佢話佢會保護我，保護我？到時去到隻眼都唔知飄咗去邊，仲話保護我！我真係唔明點解要比錢人地嚇自己」，事主不解男友為甚麼要叫她的父母一起去Halloween，更大呻「男朋友想約我父母去halloween，佢係咪有病」。

網民：佢目標係您老豆

不少網民紛紛留言，「一個男朋友同個女朋友父母玩到好似好FRIENDS咁樣，不論是現在或者將來結婚，呢啲男人不是理想伴侶」、「佢目標係您老豆」、「你條仔唔太成熟喎」。

網民表示鬼屋不恐怖

不過有網民去過海洋公園哈佬喂的鬼屋，「一啲都唔恐怖，反而黑媽媽先係最麻煩因為怕仆親」，亦有網民覺得男友邀請女友父母一起玩是好事，「相處融洽唔好？要黑口黑面先好咩？」。

資料來源：香港討論區