網民列舉荃灣4大優點完勝旺角：「天橋之城」美譽＋多商場／食肆人流旺

網民列舉荃灣4大優點完勝旺角

01 ｜多個活動、展覽荃灣區舉行

網民指出荃灣各個商場、公園、體育館，在早前舉行超多活動。他續指本身荃灣多商場、多食肆、多景點已吸引大量人流，令大量活動、展覽都選擇在荃灣舉辦，「人流集中嚟荃灣，又吸引返活動、展覽嚟荃灣搞，形成良性循環」。

02 ｜天橋打通各個商場和港鐵站

天橋打通荃灣到荃灣西站，行人天橋又多又安全，更方便市民來回荃灣多個商場，落雨都不怕，「荃灣有天橋之城這一美譽，吸引大量市民遊客嚟荃灣，因為天橋令到啲人行得更方便」，相反旺角無天橋，有網民指「如果旺角起天橋去油麻地、奧海城、大角咀工廈，咁旺角比人嘅印象就大了，依家呢幾個地方嘅人流唔太流通」。

03 ｜去邊都近超方便

荃灣去迪士尼很近，行去荃灣西搭西鐵線又方便，有網民建議如果荃灣有單車徑就更好，「如果荃灣至屯門起埋單車徑就真係不得了，荃灣可以踩單車去沙田，荃灣成為單車網嘅終點，實吸引好多單車友嚟荃灣行」，不過有荃灣街坊覺得日間的確很旺，但到八、九點馬路人流開始少，去荃灣的人多數是鄰近地區居民，如麗城、海濱、大窩口居民，反而旺角連接西九、油麻地、佐敦、尖沙咀一帶，食、購、玩、休閒都近在咫尺，荃灣想取代旺角似乎仍有距離。

04 ｜著名文化景點和百貨公司

有網民指出旺角只有朗豪坊比較好逛街，相反荃灣有很多百貨公司，「旺行人專用區又改做車行，冇晒表演睇，信和、先達衰落，新之城、旺角有嘅百貨公司荃灣都有，旺角又冇Donki、Ikea、一田、馬沙、千色、誠品荃灣又有」。另外著名的文化景點三棟屋、南豐紗廠、西方寺、馬灣、挪亞方舟都屬於荃灣區，荃灣更可以郊遊，城門水塘、大帽山、元荃古道都係熱門郊遊地點。