茶餐廳奶茶、茶走靠匙羹就分到！網民熱議茶餐廳7大冷知識 第一杯茶千祈唔好飲
廣告
撰文：熙燈喱｜圖片來源：pexels、新傳媒資料室｜資料來源：連登討論區
7大茶餐廳冷知識
1. 奶茶、茶走分辨方式
有網民就指出，茶餐廳在沖「茶走」時，會將匙羹放入杯裡作識別，普通奶茶則放在碟上。但亦有網民指出自己茶餐廳沒有此造法，多數靠樓面自己分別，而奶茶跟茶走最大的分別是茶走顏色較深，因為煉奶的分量比花奶少，所以奶茶的顏色正是最大的分別。
另外，原來連華田都能夠做「華田走」，不過大家都話一定甜到糖尿！
2. 第一杯奉上的熱茶有何用？
每次去茶餐廳，伙記都會先奉上一杯熱茶或者熱水，如果用來飲用就大錯特錯！那杯熱茶是讓你沖洗餐具上的油漬及洗潔精，多數以剩下的茶膽沖泡，盡量都避免飲用。
3. 齋啡並非只有咖啡加水！
以為去茶餐廳飲齋啡好健康？其實茶餐廳的齋啡並非只有咖啡溝水，一般凍齋啡茶記師傅會額外加糖水，所以凍齋啡事實上是咖啡加水加糖水，反而熱齋啡先會讓客人自己加糖！
4. 用完紙巾放喺邊？
近期疫情反覆，用過的紙巾及口罩當然最好自己帶走。雖然茶餐廳一般不提供紙巾，但客人自己用完的紙巾，伙記提議最好帶走，就算不帶走也放在碟上，他們就無需用手觸碰你的口水。
5. 最靚奶茶不一定用黑白淡奶
不少人以為奶茶最好以黑白淡奶沖泡，但事實上並非一定要跟呢個做法。網友分享其實黑白奶以往是較便宜的奶，但在宣傳下才成為沖奶茶必用的靚奶。每隻茶底所配的奶應該不一（網民所言：以茶夾奶），但香港時下不少茶餐廳已經只用黑白淡奶，奶脂較重。
6. 撈麵一定要跟湯？
每次點撈麵，都定必跟碗湯，其實是用來在撈麵前勺兩匙到麵中，令撈麵可更易撈勻！
7. 絲襪奶茶真的用絲襪沖？
絲襪奶茶當然並非用絲襪沖，絲襪奶茶其實是用棉襖布沖，因為密度較高，才不會讓茶渣漏出，而白色茶袋在沖泡後變成淡啡色，人們以為是絲襪，就習慣叫成絲襪奶茶。
