撲飛攻略｜艾粒20週年演唱會 10月開show！升級 Katch Plus 會員獨家優先訂票

Aug 18 2022

艾粒演唱會闊別3年，粉絲們等到頸都長，終於有新消息啦！艾粒成立20週年，佢哋決定同大家一齊歌頌生命、激情四射，嚟個激浮誇、激好聽、激驚喜嘅 ICHIBAN 香港之夜！想快人一步撲到飛？識玩一定係升級做Katch Plus會員，咁就可以比優先更優先，獨家優先喺8月22至24日訂飛，而Katch會員則可以喺8月25至28日訂飛，賣晒就冇㗎啦！

艾粒《歌頌生命沿途有你艾與粒激情雙星璀璨二十 ICHIBAN 香港之夜》

艾粒幾年前已經有預告過成立20週年要開演唱會賀一賀佢！闊別三年，繼《艾粒BOOM紅館激戰》之後，艾粒終於再次踏上舞台，今年10月喺九展Star Hall舉行三場《Katch 優惠平台呈獻：歌頌生命沿途有你艾與粒激情雙星璀璨二十 ICHIBAN 香港之夜》演唱會。抱住「有事我頂你」嘅心情，為大家喺後疫症生活中帶點歡樂！

撲飛攻略！$300升級做Katch Plus會員獨家優先訂票

繼2019兩場紅館之後，艾粒終於再開Show，但今次《Katch 優惠平台呈獻：歌頌生命沿途有你艾與粒激情雙星璀璨二十 ICHIBAN 香港之夜》喺Star Hall舉行，門票有限，要撲到飛的確唔容易。不過，又唔係無辦法嘅～今次演唱會由Katch贊助，只要免費登記成為Katch會員就可以喺8月22至28日獨家優先訂票，撲飛成功率 UP UP UP！不過留意返，Katch會員係8月25至28日優先訂票，想比優先更優先？私心建議大家升級成為Katch Plus會員，咁就可以喺8月22至24日優先訂票，咁就萬無一失啦！

成為Katch Plus會員享盡著數優惠，你就可以安坐家中優先得到最新活動消息、專屬活動門票換領日期，以及其他唔同至抵優惠！

4個步驟即成為Katch Plus會員

除咗今次艾粒演唱會，其實今年Katch已經贊助過好多唔同嘅活動，例如嚟緊仲會有《Katch 優惠平台呈獻叱咤樂壇Brand New Live生力軍音樂會KKday探索新力量》、「Katch 優惠平台呈獻《拉闊音樂會神の拉闊鄭欣宜 x 盧瀚霆》KKday遊歷音樂」、《Katch 優惠平台呈獻903 AllStar籃球賽》等精彩活動。成為Katch Plus會員唔止可以優先訂表演門票，仲有好多全城最Hit店舖嘅精彩著數同禮遇，就連購物同美食優惠都應有盡有，甚至有機會免費睇不同大小嘅Live Show，或者玩遊戲贏「全年換票證」！有興趣可以follow佢哋 Facebook／Instagram 睇詳情！

既然咁多著數，即睇以下升級成為Katch Plus會員嘅教學啦：

下載「Katch」應用程式並登記成為Katch會員。
於官方網站上，登記「購買Katcher尊尚會籍」，每年只須HK$300或以3,000會籍Katch Point即可升級成為Katch Plus會員。
選定「Katch Plus」會籍等級及填妥相關資料，並按「付款」。
即可獲得Katch Plus鎖匙認證，並享有Katch Plus會員特殊待遇。

撲飛前做好準備！學定7步曲快人一步搶到飛

Katch嘅手機應用程式最近不時推出優先訂票，想成功撲飛，真係要先睇熟以下購票攻略，如果唔係一吓猶豫就可能結果差好遠……另外8月22至24日係Katch Plus會員優先訂票，如果你未升級成為Katch Plus會員，到時係唔會登入到購票系統，所以識玩一定係盡早升級！仲有一樣嘢要注意，由於Katch Plus會員並無限購數目，門票售完即止，所以係有機會開賣第一日就賣晒，各位粉絲要自行衡量升唔升級喇！

即睇購票步驟：

STEP1：於 Katch App 登入帳戶

STEP2：進入活動主頁

STEP3：於活動主頁選擇進入「線上購票」

STEP4：立即進入購票系統，可按自己嘅喜好選擇日期及票價，並填寫個人資料

STEP5：購票成功，門票會根據你輸入嘅速遞地址以到付方式送出（地址只限智能櫃或順豐站）

STEP6：於「我的優惠」中嘅「演唱會」顯示門票

STEP7：實體門票會以順豐到付方式送到你手上