網民嫌舊式公屋設計低級！狠批引罵戰：似生活喺鐵窗邊緣｜網絡熱話
廣告
「排到公屋開心過中六合彩！」香港買樓難，5、6百萬起跳，對一般打工仔猶如天方夜譚，唔少人寧願排公屋，為求有瓦遮頭就心滿意足。不過，世事點都唔會符合任何人，有人會認為公屋低俗，細到唔係人住。有網民大彈舊式公屋設計核突，不過就有不少人持相反意見。
巴打狠批！舊式公屋設計低級
有網民喺香港討論區以「唔明舊式公屋設計點解可以咁cheap咁核突」為題發文，總結不能接受嘅公屋缺點。
1. 窗口無窗花、窗框
樓主表示：「除咗為咗慳錢外，我唔明啲窗口點解無窗花又無窗框，得幾條鐵柱欄住，就好似生活喺鐵窗邊緣咁。」
2. 多蛇蟲鼠蟻
樓主續稱：「電梯走廊又用開放式，蛇蟲鼠蟻隨時爬入黎。真心講句，好cheap好核突。」
3. 內窿令人作嘔
唔知係咪幻想到第2點講嘅咁污糟，樓主講講吓，表示：「內窿都唔想再多講，想嘔。」
樓主批評公屋 遭網民反罵
樓主列出3點後，拋出一個問題：「排咁多年隊做人生勝利組，最後就係住啲咁嘅屋？點住？」
對於樓主批評公屋，引來唔少網民留言，有人表示「公屋要低檔，香港人先有上進嘅決心同動力。」亦有人話「當你叫一個深水埗籠屋居民入住，佢會好開心」，更人大鬧樓主係「無經歷嘅人」。
雖然舊式公屋設計唔係以華麗為先，但係對於某啲人嚟講，只要有個單位就已經心滿意足。
撰文：Evita｜圖片：香港討論區、新假期資料庫、網上圖片
圖片來源：新傳媒資料室、劇照、香港討論區截圖
