年輕上司新入職被老海鮮恰到盡　當面訓斥做嘢太快會XX　上網訴苦再捱鬧　

年輕男上司遇正下屬是老Seafood　被當場「教精」感無面

亞洲職場中，日韓講求論資排輩，香港的就業市場就以學歷和工作經驗為首要考慮次序。故此，一些公司管理層的位置，可能是由名牌大學的畢業生及有曾在國際機構工作經驗的年輕人擔任，而這些年輕管理層帶領的下屬，卻有可能是一直在公司「默默耕耘」的老臣子，又或者更甚以為自己是「勞苦功高」開國功臣而「好大牌」。

年輕男上司大感委屈向網民求安慰：老海鮮恰我！

管理層與下屬擁有不同的背景，往往產生不同矛盾。有一名新入職的「較高職級」員工在社交平台大訴苦水，聲稱被下屬欺壓。

樓主吐苦水表示初初入職時明明是上司身份，而老海鮮作為下屬竟向他説：「你同事叫我話你知有你乜不足，而家我教返你」，之後職場老海鮮更愈踩愈深指向樓主指： 「你平時做嘢唔好做得咁快啊，老闆知你做得嘢，越畀越多你」。而對方的「唔做嘢」便是硬道理言論，正令樓主大感不滿。

港男反被網民鬧：今次撐老海鮮

雖然樓主慘受下屬氣，但仍不少有網友勸勉樓主，認為老海鮮只是溫馨提示對方，並非心存敵意。

• 「你可能發現佢講嘅都係真心嘅溫馨提示。」
• 「重點係：你同事叫我話你知！」
• 「佢潛台詞係，唔好做咁快，接多咗翻黎畀我地做！」
• 「咪住，佢口中嘅你同事係邊個先？如果係同你平級而平時要合作嘅人，件事可能無咁簡單，你可能真係瀨咗嘢都唔知。」
• 「唔想你咁快俾人炒所以先好言相勸咋，打份工又唔洗咁階級制去諗人嘅。」
• 「今次撐老XX， 佢講嘅係智理明言，唔好以為自己係上司就智慧高過人。」
• 「做人應該不恥下問，而你因為對方職位比你低而睇唔起對方嘅善心提醒，或者你有做上司嘅學歷，但完全無做人應有嘅虛心和做上司嘅能力。」
• 「似乎有人覺得你工作表現有問題，所以你都係專注工作先啦～如果人地教你嘅嘢對你有幫助，佢主動教你，你都要多謝佢。因為嗰啲人唔係背後笑你，篤你，甚至架空你，而係想教識你。」
• 「跟下屬關係好他們就是幫助你的人，不要以為是上司就高高在上，同事間要合作才順暢，他們認真工作，你踩X機會都少啲啊～」

原文刊於：經濟一週