港男嫌三大碩士生同事「高分低能」　3行為盡顯學霸都無用：好難合作囉！

港男力數碩士生同事3大「高分低能」行為：唔抗壓又唔識應酬！

該位網民在討論區發文直指「高學歷只係佢識得考試/識背書/屋企俾到學費， 唔代表佢工作做嘢叻過人」，並指高學歷人士欠缺以下3種能力：

1.難頂高壓工作

樓主認為現時很多高學歷人士難以承受高壓的工作，寧願做相對較輕鬆的文職： 「好多大學生或碩士，根本應付唔到高壓力，太chur 嘅工，例如IBANK（投資銀行），牛津畢業都情願做幼稚園老師，教會文職， 就係承受唔到工作壓力」。

2.不懂人情世故

樓主表示社交能力與學歷無關，指「中學生都可以識人情世故」，而很多高學歷人士「連social （社交）都唔掂」。

3.欠缺SOFT SKILLS

他又表示，畢業於香港三大院校的碩士同事，或者取得澳洲碩士學位的同事，都不具備良好的軟技能（Soft skills）。 樓主又認為，容許學生全職或兼職修讀的修課式碩士課程質素不理想，直指「有錢就讀得，啲課程廢學生更廢」，生產所謂的碩士基本上是沒有任何技能。

網民齊撐：高學歷不代表能力高

貼文引來網民熱議，竟然大部份人都支持樓主，有人認同高學歷不代表能力高，打工仔的工作經驗更為重要，「有學識無見識，有學歷無閱歷，大有人在」、「今時今日，學歷最客觀的作用，就係帶出擁有者究竟交咗幾多學費」、「其實有時學校學既嘢，出到社會都未必用得著」、「高學歷又點，又未出嚟做野，職場經驗零」。雖然大部份人都支持此立場，但也有人認為「連書都讀唔好的人，叻極有限」，認為高學歷仍然有很高的優勢。

原文刊於：經濟一週