港女考車被踩停都照樣一take pass！網民大鬧考官男女有別！｜玩樂熱話

Aug 9 2022

不少人都心思思想考車，不過考車除了要有技術，都需要運氣。最近有網民分享考車「1 take pass」經歷，不過其實她中途曾被考官「dup停」，最後仍然合格，有網民就質疑考官欠專業。

港女考車被考官dup停

最近有網民在Facebook「學車學神交流集中營」分享考車「1 take pass」，她表示考車當日，行駛途中轉彎位突然有一名南亞裔小學生衝出馬路，因此考官即時煞停她！事主當下晴天霹靂，「已經眼濕濕，仲要先行到一半，喺下一個燈位嘅時候，諗咗好多嘢，搵邊間抽快期，不如之後亂咁揸算數。但自問一路做得好好，最後決定死唔放棄，堅持瘋狂望鏡，努力做好。」

考車最近有網民在Facebook「學車學神交流集中營」分享考車「1 take pass」。 — 最近有網民在Facebook「學車學神交流集中營」分享考車「1 take pass」。（圖片來源：Facebook@學車學神交流集中營）

最後成功合格

事主最後成功合格，「我到而家都係唔明，未相信到自己合格，個考官覺得你係有足夠嘅安全意識，有時可能你真係瀨咗嘢，個考官都有機會可能或者會俾你pass，所以各位，要有體育精神唔好放棄，你都仲有機會」，樓主更鼓勵想考車的網友，「無論遇到啲咩問題，都唔好放棄」、「各位即將要考車嘅朋友加油啦，考官dup停都可以pass，冇嘢冇可能㗎」。

有網民大讚考官明白事理，「其實考牌真係運氣大過能力」、「多謝你好好的分享，你講得好好，我都好認同，最緊要唔好放棄，得失成敗，最緊要盡努力，大家將考試的朋友，努力呀」。

考車有網民大讚考官明白事理，「其實考牌真係運氣大過能力」。 — 有網民大讚考官明白事理，「其實考牌真係運氣大過能力」。（圖片來源：Facebook@學車學神交流集中營）

網民批評考官欠專業

不過亦有網民批評考官欠專業，「其實呢個post好有問題，明明係考官有問題唔跟程序做嘢照俾佢pass，仲可以話樓主係散播正能量，仲叫大家俾心機？依家樓主個情況正正就係叫大家唔駛咁用功，只要好彩出錯都可以照pass，相反你好勤力操車好專注咁考試，只要個官手緊你就pass唔到，毫無公平性可言」。

港女出聲：我又唔覺得我會害咗自己喎

其後樓主亦有作出回應，她表示是次分享單純想叫即將考車的同學加油，「冇諗過原來會衍生左咁多嘢出嚟」，樓主重申今次有小朋友衝紅燈，所以先被考官dup停，「或者我講得詳細啲啦，當時情況嗰度係一個轉彎位，當我已經準備扭軚嘅時候，個小朋友突然想踏出一步，其實嚴格嚟講佢冇企到係個馬路度，當然考官本能反應一定係dup架啦，我都覺得自己冇留意個小學雞賴嘢，咁最後就係pass咗啦，但係咁多位話我害咗自己嘅人，好老實講我又唔覺得我會害咗自己喎」。