港男考車牌不成狂怪師傅差！網民唔可憐反鬧對方犯超低級錯誤｜玩樂熱話

連登仔考車牌不成狂怪師傅差

近日一位網民在連登討論區上以「覺得自己比考（教）車師連累，可以點做」為題發帖，大呻自己早幾日前考車失敗與自己的教車師傅有關。他指考試當天「本身要早15分鐘報到但係師傅遲咗10幾分鐘先到」，考官也在旁邊催促過，當師傅一到達時他就要上車泊位，但因為泊錯位而肥佬，故他認為與師傅比原定時間遲到，影響他發揮。

但肥一個超低級錯誤！

然後他再指出開車前往路試地點時，他鬆開手掣但車輛沒有向前行，後來發現自己「著咗車但係未著引擎」，加上自己不知道「原來要將個車匙順時針再扭多下」，車輛才會發動，更肯定師傅沒有教過自己如何「著車」。

有網民反問為何車輛會熄匙，因為平常除了考試完成外，不會在途中熄匙。後來樓主指自己「泊完位之後考官叫我落車睇吓自己個位係咪錯咗，嗰陣好似順手熄埋匙落車睇，上返去嘅時候我就咁著車我唔知要扭多一下去著引擎」。

樓主也繼續抱怨他師傅每堂課都講廢話，例如「係咁講呢個學生點嗰個學生點」、「咩193都係佢學生」、「總之教車嘅嘢打燈嘅嘢我全部都係自己上網睇片不斷自己重新煲」等等。在文末他也提到「我知道自己責無旁貸，但我可以肯定嘅係個師傅絕對唔係冇責任」，更愈諗愈嬲想將師傅資料放上黑名單資料庫。

網民嘲：你根本智力有問題！

帖文一出網民就狠批他「搵嘢賴」，認為他自己問題更大加上藉口多多，建議他反思自己的考車態度。直斥考試泊錯位是「與智力有關」，再者熄匙者是他自己，將責任推到教車師傅身上極其不負責任，再者嘲他所犯的是低級錯誤，「著車要扭兩下車匙是基本常識」、「撻車都唔識好難比你過嫁喎師兄」、「咪X再考車唔該」。

原文連結：按此