男司機連累考車學神肥佬 事後稱可作出補償被網民轟冇誠意｜玩樂熱話

連累考車學神肥佬！男司機事後：「對唔住我趕時間！」

香港地考車牌除了睇實力也講幾分運氣！香港學車連考車，如果一Take Pass的話大約$10,000上下，視乎跟師傅、駕院、上幾堂、租車費等等，如果要重考補鐘，每次Fail俾多幾千銀走唔甩！除了金錢之外，輪候時間也是問題之一，因為疫情關係，運輸署曾多次暫停服務，駕駛考試也停了好幾個月，考車人士就進入了不斷花錢＞等待考車＞考車＞（如果不幸肥佬）＞再花錢＞再等待考試的輪迴之間，非常煎熬⋯⋯

近日Facebook群組「車cam L（香港群組）」上有網民貼出一張IG截圖，圖中位置疑是沙田駕駛學院附近，圖中一名男司機表示「全部學神，一個燈位塞10分鐘，對唔住，我太趕時間見客，啱啱有個考緊試打燈cut線，我仲督油，搞到阿Sir踩停你停咗10秒，係我賤格，係我無良，搞到你肥佬」仲表示如果該考生看到此Post，他將請該考生飲茶賠罪。

網民怒轟賤格：人地考車重考要$5,000仲要等半年

無論該男司機的背後用意是賠罪也好，不是也好，連累考車學神肥佬已成事實。網民就怒轟該位男司機自私，「趕時間大X晒呀？」、「請飲茶抵消唔到肥咗的心靈創傷」、「真係好仆X」、「將心比心，人哋考車就下人啦」。

網民並指出沙田駕駛學院Fail重考要付大約$5,000，再者要排隊半年才有得重新考車，嬲爆表示「你點樣賠番時間比人？」。也有網民指出考試時特別容易遇到「督油L」，認為香港駕駛者有欺負新手駕駛/學神的習慣，且情況愈來愈不友善，希望大家在路面時多忍讓。