老人癡呆婆婆獨自撐拐杖截的士求診 好心司機陪搵路！｜網絡熱話

開工遇老人癡呆婆婆 的士司機耐心陪搵路

近日有位的士司機於Facebook分享在金錢村遇上一個婆婆截車，對方話要睇醫生，但一直說不出地址「我要去睇醫生，但係唔記得要去邊度睇」，但司機無趕佢落車，反而耐心開住車等婆婆回憶起，還一邊提醒區內多診所的地標，幫助她記憶，搞左一輪，婆婆終於醒起話去賽馬會診所，司機心感不妥，問她「賽馬會診所應該要預約喎，同埋星期六下晝應該無醫生睇喎」

擁3個仔1個新抱 無人理婆婆

即使心存懷疑，司機亦打算送婆婆去，還說會確應她真的有醫生看才開車走，路上提點婆婆應該叫家人陪看醫生，怎料提起婆婆傷心事，阿婆用平淡但又心酸的語氣，「我有三個仔一個新抱，但係佢哋洗晒我啲錢，就唔再理我！」司機不知如何安慰婆婆，只能盡責送婆婆到診所，去到賽馬會診所門口，婆婆便叫司機載她回去，「我真係唔記得要去邊度睇醫生呀」，司機見診所真的沒開，就原路折返送婆婆回金錢村。

司機：唔使畀錢！老人癡呆婆婆堅持付費

到埗時錶頭60多元，司機馬上跟婆婆說「阿婆你慢慢攞齊嘢落車啦，你唔使畀錢喇，當我請你食生果啦！」，但婆婆堅持付款，最後給了司機20多元，更十分感謝地下車！看著婆婆篤住拐杖佝僂的背影，司機表示一陣心酸湧上心頭，更指希望婆婆的兒女並非不孝，一切只是婆婆老人癡呆的幻覺！

網民反應兩極：佢係混吉！

帖文一出引起極大回響，當然不少網民大讚司機，更指「好感動」、「欣賞其耐性」、「好人一世平安」，亦有不少現實派網民指阿婆「混吉」，更笑指司機如此大方，是不用交租，你又點睇？

資料來源：FB@的士司機資訊網 Taxi