盤點13個細個因無錢養成嘅習慣！長大改唔到畀人笑｜網絡熱話

1.不肯做東請食飯

樓主指其母從小就要教「唔好周圍請人食飯，覺得蝕底」，但樓主長大才發現「有機會請人食飯是促成生意或建交的大好機會」。

2.見客應酬狼吞虎嚥

樓主的另一個貽笑大方的習慣是在工作應酬飯局中，面對貴價美食會情不自禁地狼吞虎嚥，直至老闆提醒「慢慢食」才醒覺自己失禮於人前。

3.購物只選平價貨 漠視自己喜好

網民習慣了留意價錢而漠視自己心意，「寧願揀平但無咁鐘意，而放棄正價但真正鐘意，慢慢分唔到鐘意同唔鐘意」。

4.內心超計較 瘋狂格價

有網民直言好難改變「成日驚畀人佔便宜，內心計較」，而且購物前會認真考慮是否有實際需要，「然後瘋狂格價，一定要用最平方法買，買到就會爽幾日」，同時有另一名網民有著同類的慳家習慣，「淨係買特價嘢，見到大大隻減價字眼就會埋去望下」。

5.搭的士留意跳錶

有網民分享搭的士慳車費大法，「細個無錢，又趕時間搭的士，會睇實個錶，見就唔夠錢就扮晒嘢話塞車呢度落就得」，如現場並無塞車，就以「記錯地址」為藉口。

6.慳電費半夜關冷氣、離開房間必關燈

有網友指為了節省電費支出，家人晚上會熄冷氣享用剩餘涼風，但之後又會熱醒，有另一網民有相似的習慣，「日出就要熄冷氣」，獲網民表示「我屋企都係咁」。有網民為了慳電亦有「用完房一定關燈」的習慣。

7.利用公司資源

有網民承認會「返公司叉電，返公司印嘢」，不過竟獲另一名網民反問「唔係基本嘢嚟咩？」，又有網民指自己的同事「連iPad、尿袋都帶返工叉電」。

8.飲茶只叫大點以下

網民表示，飲茶「只敢叫大點以下」，另一網民則被家人管制「只可以叫小點」；而另有網民則因應特價時段「大中小點同價，只叫大點」，值回票價。

9.唔飲凍飲慳兩蚊

有網民為減少支出，連去茶餐廳醫肚時「飲凍加2蚊都唔肯畀」。

10.食嘢採取「先苦後甜」原則

有網民舉例，「如食魚生飯最好味、最貴嘅魚生留到最後先食，先食晒飯先」。

11.超市購物堅持唔畀5毫買膠袋

有網民分享去超市「買到成手嘢都要徒手拎走，因為膠袋加5毫」，有另一名網民則大方分享獲取免費膠袋的秘訣，「點都去冰櫃買濕貨，咁就有個袋」。

12.洗頭水即將用盡時加水

網民表示，為了用盡一些個人護理用品如洗頭水、沐浴露等，當它們即將用盡時會加水，確保「一滴都唔放過」；同一原則亦適用於潤膚露、牙膏，不少網民都會剪開樽口，「用多幾日」。

13.提款機每次提兩、三百

網民分享個人提款習慣，「通常拎兩、三百，過兩日又要再撳過」，獲另一網民回應「即日又撳啦」。

原文：

資料來源： LIHKG討論區