羅蘭姐N個搞鬼造型回顧！萬聖節哈囉喂集體回憶：金髮、聖羅蘭、殭屍｜網絡熱話
撰文：Gotrip｜圖片：網上圖片｜原文刊於：Gotrip
羅蘭姐N個萬聖節搞鬼造型回顧！
2016主題：Ghostbusters
金髮羅蘭
意念來源：《捉鬼敢死隊》
今年除了有制級鬼屋「16禁」極級驚嚇鬼域主題，仲有羅蘭姐扮「捉鬼敢死隊」廣告，「隊員」仲有「卡比獸」秦煌同埋邵音音！
「卡比獸」變身秦煌去捉鬼
霸氣十足邵音音
光加熱就等於火，羅加英就等於我，
哈囉喂再加上你，腎上腺提高更多，
所以你應靠近我，不要再咁鬼囉嗦，
只要喪屍肚仔餓，你再也沒法躲Hey！
2014主題
羅蘭姐x夏蕙姨x盧海鵬
意念來源：JUNO加持！《殭屍LIVE》
這一年JUNO執導的《殭屍》爆紅，主題樂園直接找來麥大導演設計鬼屋。廣告甚至邀請到羅蘭姐、夏蕙姨扮孖妹！至於《殭屍》電影中扮演看更的鵬哥同樣有又驚又cutie的演出。
2013主題
羅蘭姐唱歌劇@哈囉喂「全日祭」
意念來源：《孤星淚》
南瓜城大起革命，實行由地底玩到上地面，狂呼全日祭！同你由日到夜玩盡哈囉喂全日祭近80項嘅景點同活動！今年題材合家歡，大人細路都啱玩！
2012主題：聖羅蘭
Wyman x 羅蘭
意念來源：《聖羅蘭》
十月大潮聖
羅蘭與Wyman一齊現身，一身「聖羅蘭」造型登場，學足已故時裝設計師聖羅蘭的cool爆造型，搵埋香港時裝界潮人Wyman，令人非常驚喜！
2011主題：嘩鬼建國
哈囉喂共和國 羅蘭驚嚇閃現
意念來源： Lady Ga Ga （第二代）主唱：JW
這一年找來名模林莉昨日聯同數十嘩鬼，在西貢一片場為主題公園「哈囉喂」活動拍廣告片。她扮演女首相「lady鬼鬼」，花了五個鐘化妝！哈囉喂共和國以百鬼歸巢為主題，有齊中、西猛鬼。宣傳MV仲有幾秒閃現羅蘭！少啲眼力都睇唔到！
2010主題：哈囉喂10周年 !
羅蘭姐+隆胸韓妹
“ha ha halloween, we are waiting for your scream”
“到十年 鬼咁癲 趁有命 癲下先”
韓國鬼后crossover港產龍婆！海洋公園十月全城哈囉喂廣告中兩人又唱又跳，當年片段於YouTube點擊次數高逾27萬。人氣鬼后抹甩粉面黑淚，真身是韓國女子組合Cleo 的韓妹蔡恩真（EJ），直認早年曾整容及隆胸，在韓打滾十年半紅不黑，想不到陰差陽錯，今鋪竟在香港靠扮鬼嚇人嚇上位！
2009主題：聽人講，不如自己撞
謝天華&司徒法正
2009年海洋公園搵咗司徒法正做代言人，拍攝「全城哈囉喂司徒法正系列短片」，仲帶大家行一條辮子路！廣告驚嚇十足，有市民觀看後仲情緒不安添！比起謝天華 laughing哥收納二五鬼更有睇頭！
司徒法正仲親自帶大家行一次辮子路，似乎辮子姑娘嘅傳說恐怖啲喎！
2008主題：哈囉喂08新配慌
泰臣
2008年就用香港最地道嘅驚嚇傳聞同鬼故事做主題，電梯同深夜小巴都喺常見嘅鬼故場景，今次搵埋好戲之人泰臣做小巴司機，想唔驚都難！
2007主題
講得鬼多終遇鬼
講廣東話時不時會用到個「鬼」字，海洋公園就用咗香港人講嘢嘅習慣做主題，「鬼叫你咁蠢！」「你嘔乜鬼啊！」，成日鬼鬼聲，撞鬼唔好怨人啦！
2006主題
嚇到你阿媽都唔認得
2006年開始加入香港人講嘢嘅特色，「快到、驚到、慢到阿媽都唔認得！」，小心哈囉喂真係會嚇到阿媽都唔認得！
2005主題
哈囉喂嚟撞九大鬼
九大簋聽就聽得多，唔喺時時都有得食，哈囉喂就話去海洋公園分分鐘可以撞齊九大鬼！
2004主題
哈囉喂專收你班鬼
哈囉喂嘅廣告開始愈來愈大膽，畫面當然要大膽啲先滿足到觀眾，因為觀眾都是嗜血的！一於俾觀眾喺入場之前都可以睇廣告過下癮！
2003主題
國際嘩鬼會議
第三年嘅廣告開始有「問米」畫面，仲有鬼新郎同鬼新娘出現，試一試水溫睇下觀眾接唔接受到！
2002主題
哈囉喂嚇到你We嘩鬼
初期的哈囉喂廣告仲喺比較保守，怕嚇親電視觀眾，只喺介紹咗哈囉喂引入當時大熱嘅「盜墓迷城」做真人騷，同一連串嘅鬼屋。
2001主題
全城No. 1驚嚇派對「哈囉喂」初誕生！
哈囉喂嘅廣告年年都好精彩，但大家可能估都估唔到，第一年嘅廣告喺最後五秒先見到哈囉喂嘅蹤影！
撰文：NewMonday｜圖片：網上圖片｜原文刊於：Gotrip
