香港建築物暗藏風水大戰！網民盤點冷知識 海港城有玄機 中環廣場可睇時間？

網民盤點香港建築物冷知識 上空睇海港城有玄機！
設計原來好有心思 中環廣場避雷針／力寶中心

連登討論區上曾有網民以「入嚟分享吓有關香港建築物嘅得意嘢」為題發帖，當時短短數日已經超過41頁討論，吸引逾千留言。發帖者先拋磚引玉，提出「中環廣場個頂支避雷針其實可以睇到時間」。

大樓頂的設計名為「麗光時計」，霓虹光管的顏色會根據香港天文台的標準時間作出轉換，可準確地顯示時間，4組燈格同色為一小時，每隔15分鐘，即一組燈色為下一小時之顏色取代，大家經過不妨可以留意一下。

其後愈來愈多網民分享香港建築物冷知識，甚至引出了不少專業的網民回覆。冷知識包括從上空睇海港城，原來是”HK”兩個字，代表香港Hong Kong的簡寫；灣仔合和中心因為形狀太似蠟燭，對風水不好，所以天台頂層建造了一個泳池化解（吹熄蠟燭）；荃灣如心酒店是象徵龔如心和她丈夫，一高一矮的兩幢樓中間有條天橋，就好似正在挽手一樣，還有很多的例子。

網民更指香港不少建築都是與風水有關，或是化解附近建築的形狀，網民以中環建築群為例，有連番的風水大戰，「中銀大廈嘅設計似一把刀，所以花旗銀行大廈嘅設計係一個下凹嘅刀鞘（可以裝住中銀把刀），而力寶集團大廈就用銅柱設計嚟擋煞。」亦有網民指出，金鐘力寶中心的外牆係象徵樹熊抱樹等。