網民盤點港人旅行5大最失禮行為！貪小便宜都未係第一 最乞人憎係呢樣

網民盤點港人旅行5大超失禮行為！
貪小便宜都未係第一 最乞人憎係呢樣

第5位.餐廳食飯即場評價

網民認為在餐廳食飯時，無論是在什麼國家也好，即場評價食物味道、抑或擺出厭惡表情，是非常無禮的行為。有網民指曾聽到「唓，不外如是」、「xx嗰檔好過佢啦」、「雲吞麵好食過佢」等即場評價，即使語言不通，其他人未必能聽懂，但網民強調「人哋聽唔聽得明係一回事，有無禮貌係另一回事」。各國的飲食文化不一，以至於味道未必符合華人口味，唔好食最多咪無下次囉，評價都等離開店舖再講啦！

第4位.性格貪小便宜

有網民曾在英國的麥當勞時，目擊到一對香港母女「飲咖啡攞左十幾包糖」，直言感覺「好似香港啲廢老，拎幾廿包牛油、紙巾、餐具、鹽/胡椒粉。」也有人指港人在食自助餐時，「拎到碟嘢食成座山咁高，啲小農DNA出晒嚟」，其實不妨拎一碟慢慢食，唔夠食再出去拎啦，都無人同你搶食！

第3位.不尊重當地禮儀及文化

網民認為去外國旅遊應該入鄉隨俗，至少學定基本外語與當地人溝通，而不是使用自己的語言逼對方遷就自己。有人指「好多年前跟團去日本，聽過有阿嬸團友，又想試溫泉死都要著埋件泳衣落去」，更有人不沖身就入去浸溫泉！

第2位.為打卡影相無視一切

去旅行想打卡影靚相就人之常情啦，不過影相影到阻到人就唔好啦！網民分享經驗，「有次跟團到紐西蘭，去哈比人村度睇風景，當地導員講唔好企上d山崖邊度影相，咁做好危險，講完唔夠5秒就有個團友企左上去山崖邊度影相。」直言港人為打卡無視一切，但行為其實極失禮！

第1位.不論在哪裡 講嘢都超大聲！

網民公投最失禮之首就是「大聲講嘢」！無論在什麼國家、什麼場合，都總有港人大聲說話，例如大叫「喂，呢度有位呀！」、「過嚟影相呀！」、「你睇吓呢度好靚呀」，諸如此類啦，相信大家都聽唔少。網民狠批「香港人係由搭飛機個刻已經開始嘈」、「一上車就嘈到落車、想瞓番一覺都唔得」，最後老土都講句，請將音量收細啦，香港人！