網民熱議！香港可否開第3個全新主題樂園？指無競爭無進步！網民提出3大關鍵原因導致環球影城開唔成？｜玩樂熱話

網民熱議 香港仲可否開多個主題樂園？

一位網民在香港討論區上，以「香港仲可唔可以容納多一個主題樂園？」為題發文，提出現時香港只得深受大人和小朋友歡迎的迪士尼樂園，以及香港傳統老牌樂園，加上仲有國寶熊貓坐陣的海洋公園，共兩個主題樂園。問大家「其實香港仲可唔可以容納多一個主題樂園？例如環球影城？」

發帖網民更提到「其實香港人好捨得俾錢去玩」、「你睇吓咁多人去Staycation就知」，並覺得以前香港只有海馬公園（海洋公園）時，樂園一直「食老本」，缺少創新元素，但當迪士尼樂園進駐香港時，海洋公園才推出更多吸引的活動及遊樂設施，認為「有競爭才有進步」。

網民提出無法再開樂園的3大關鍵原因

原因1.無錢賺

網民提出數據，指2019年旅遊業只佔香港整體GDP的3.6%左右，加上2020年起遇上全球疫情，旅遊業收益進一步收縮，只靠本地消費其實並無錢賺。

原因2.現時兩個主題樂園都「蝕住做」

而第2個原因，網民指出現時香港迪士尼每年都需要繳付鉅額專利費予迪士尼總公司，據編輯翻查資料，香港迪士尼樂園2019/20年度狂蝕27億元，仍需支付最少7,200萬專利費予迪士尼總公司；而海洋公園去年則虧損11億元，再由政府注資54億元才得以續命⋯⋯

原因3.地方小

第3個原因相信不需要更多說明，香港地少人多，現時的香港迪士尼樂園面積常被網民戲稱是「最細迪士尼」，批評又細又無嘢玩，如果要開第3個主題樂園相信連搵地方都有難度，加上租金、地價高昂，網民直指唔知要幾耐先回到本！