Freshgrad返工第一日即收同事「紅色炸彈」超無奈！網民化身拆彈專家教路｜網絡熱話

上班半日只一面之緣即收「紅色炸彈」

事主在星期一首天上班，由人事部帶領之下到不同部門打招呼，在午飯時間有一名同事突兀地向事主派喜帖，「lunch time時冇啦啦有個同事過嚟話佢嚟緊結婚，就畀咗張請帖我」，事主不禁想，「明明我先第一日返工，佢到底係幾咁缺人先會咁做」。

網民化身「拆彈專家」教路

帖子惹來網民議論紛紛，化身成「拆彈專家」教路事主「拆彈」，有網民直截了當：「我會當無收過！」另有網民分享目擊前同事類似的經歷，該名前同事直接答：「下，我返咗兩日咋喎？」也有網民認為整件事好尷尬，「如果淨係派餅卡我覺得都可以接受，但前題唔係」。

網民不屑同事「亂派炸彈」

更多的網民不屑「派炸彈」同事的做法，「只要佢唔尷尬，尷尬的就係你」、「佢應該覺得：多個人多雙筷，又有得圍皮，正啊！」、「間公司人工好低？呢位同事爭落好多咭數定爭大耳窿錢？」

2023年人情公價

未知是否經濟不振的關係，來年婚宴人情價目，大部份都未見大幅變動，高級酒店及一般酒店分別維持在$1,500及$1,000，私人會所及特色婚宴場地的人情中位數$1,000與去年相同，而酒樓、午間婚宴及西餐廳人情中位數亦保持在$800。「出席簽紙儀式」的人情中位數由去年的$300升至$500，升幅達66%；而「只派餅卡」的人情位數更由$100至2倍至$300。

原文：

資料來源：Dcard