飲粟米湯成日淨粟米 教授教路一個簡單方法即一粒不漏
廣告
去日本旅行時會發現街上有好多飲品販賣機，而販賣機就未必係賣汽水檸檬茶，有啲係會賣罐裝粟米湯。不過有唔少人喺飲用粟米湯嘅時候發現，每次總會剩底幾粒粟米喺罐底。有見及此，有日本教授教路，只需一個超簡單方法，粟米就會自己流出！
有一名流體力學嘅教授教路，只需要喺罐口附近輕按，壓出凹糟後粟米就會自然流出，教授更上傳模擬動畫解釋。當正常速度飲粟米湯時，粟米就會卡住喺罐口。假設罐內有28粒粟米，就會淨低9粒。
將壓出凹糟後就會令粟米湯呈漩渦狀，粟米相對較易沖到出口。假設罐內有28粒粟米，只會淨低2粒。
有日本網站實測之後，結果發現全部粟米都成功沖出嚟，罐內一粒不留，唔知其他有粒粒嘅飲品又可唔可以用相同方法呢？各位都不仿可以試吓喎！
