網友嚴選10大90後童年回憶Online Game排行榜！必玩勁舞團、跑Online！第一名竟然係？｜玩樂熱話

網友嚴選10大90後童年回憶Online Game排行榜！
放學即刻返屋企打機 勁舞團、跑Online！第一名竟然係？

10 《跑 Online》

「估唔到，跑都可以咁好玩！」當年跑Online為咗融入本土特色，特登請咗香港藝人為角色配音， 可以睇得出呢個遊戲喺當年有幾紅。 呢個game唔係淨係跑步咁簡單有好多技巧可以融入去跑步之中！你哋以前又有無同朋友鬥快跑呢？

9《勁舞團》

有別於一般廝殺過關嘅Online game，《勁舞團》要求玩家手指有極高嘅靈敏度，講求技術，係當年唔少MK仔女至愛嘅遊戲， 玩家更可以為自己角色購買唔同服裝以及髮型，其中結婚系統更加造就好多小情侶。

8 《童話Online》

遊戲重新演繹童話故事郤毫無違和感，由最初嘅月費制，到後來免費制，《童話》Online 15年來倍伴不少香港人長大，可算係最長壽遊戲之一。2018年宣布結束營運時網民紛紛表示不捨！

7 《巨商Online》

《巨商》講求賺錢，只要有錢所有事就好辦事，每日刷怪刷寶就少不得，升Lv之外仲可以買農場、工廠賺錢，再組成Dream Team就可以打愈勁嘅怪刷愈勁嘅裝備，仲可以組公會做會長，打公會攻城戰！

6 《SD Gundam Online》

作為不根據線上時間收費嘅免費遊戲，《SD Gundam Online》 承襲任天堂SD Gundam X多種特色，其中最特別莫過於扭蛋戰爭，買點數卡抽扭蛋緊張刺激， 希望可以抽倒稀有機種。

5 《夢之歷險》

主題曲請咗傅穎主唱嘅《夢之歷險》，玩家如果用開香港伺服器，第一投訴都會係物價高，好食錢，無論寵物裝備定武器都好貴， 無錢課金唯有自己刷天使翅膀， 只係為咗可以得到神裝。

4 《晴空物語》

《晴空物語》以精美設計以及可愛嘅人物角色而虜獲不少少女心玩家， 人物角色除咗可以指定種族及職業之外， 外型都可以由玩家自行設定， 每日亦會推出特別任務令玩家保持新鮮感。

3 《FEZ Online》

日本公司開發嘅《FEZ》，全名叫Fantasy Earth Zero，顛覆傳統MMORPG打怪升級嘅國戰系統，最多支持50人對50人，戰場上搶奪水晶 以及「召喚獸」功能亦令異常畫面華麗豐富！

2 《吞食天地 Online》

Online Game經典之一不得不提《吞食天地》，熜mon外掛掛機過夜係每日之日常，但最心痛就係掛掛下機無曬藥死咗而未能將成果驗收，或者背包滿後無法再掛，都喺每個玩家嘅童年回憶。

1 《魔獸世界》

《World of Warcraft》不單止喺香港受歡迎，全球更有1200萬用戶，收入達至90億美元，被收錄至2008年的《健力士世界紀錄》中。明星謝霆峰及Eric Kwok 更聲稱自己沈迷該遊戲！