空氣瀏海

女生剪瀏海結果慘變激短狗咬陰！網民爆笑回應：這是「生氣瀏海」

Mar 18 2022

廣告

韓國空氣瀏海因容易Carry又顯氣質，深受亞洲女生歡迎！一位馬來西亞檳城女生都忍唔住想試一試，點知幫佢剪嘅髮型師大失手，越剪越短，最終慘變激短煲蓋陰！髮型大崩壞嘅佢忍唔住喺Facebook出Post大吐苦水，隨即引發網民激烈留言討論。髮型屋總監得知事件後急急約佢補救！到底佢嘅髮型最終救唔救得返呢？

髮型師大失手！空氣瀏海慘變激短煲蓋陰！

住在馬來西亞檳城的Celine想試一試韓國大熱的空氣瀏海，於是去相熟嘅髮型屋理髮，點知平時剪開嘅髮型師都fully book，所以髮型屋就委派咗另一位髮型師幫佢剪，點知就出咗事！

空氣瀏海 Celine原本樣子甜美。（圖片授權：FB@Celine Teoh） — Celine原本樣子甜美。（圖片來源：Facebook@Celine Teoh授權照片）

髮型師大失手將佢嘅瀏海越剪越短，結果說好的空氣瀏海變左個煲蓋頭。

空氣瀏海剪完之後大崩壞，瀏海直逼髮際線高度！ — 剪完之後大崩壞，瀏海直逼髮際線高度！（圖片來源：Facebook@Celine Teoh授權照片）

網民爆笑回應：「不是空氣瀏海是生氣瀏海」！

事主見到自己個頭剪到咁肉酸，越諗越嬲，於是係自己個Facebook出Post分享自己嘅經歷，隨即掀起網民熱烈留言討論。一齊嚟睇下網民爆笑嘅回應。

網調侃這不是空氣瀏海而是「生氣瀏海」。 — 網民調侃：這不是空氣瀏海而是「生氣瀏海」。（圖片來源：Facebook@Celine Teoh留言截圖）

另外還有網民稱事主的新髮型係「缺氧瀏海」、「禿頭瀏海」等等。

空氣瀏海亦有網民笑指事主的瀏海不止空氣，還很透氣。 — 亦有網民笑指事主的瀏海不止空氣，還很透氣。（圖片來源：Facebook@Celine Teoh留言截圖）

除左幫事主嘅新髮型改名外，仲有網民發揮小宇宙爆笑改圖。

空氣瀏海網民Marcus更製作爆笑改圖贈興 — 網民Marcus更製作爆笑改圖贈興。（圖片來源：Facebook@Celine Teoh留言截圖）

大家都不禁感嘆髮型師真係好重要！

髮型師急急補救！

該髮型屋負責人得知事件後，急急聯絡事主道歉，並派出髮型總監為事主急救髮型。一齊睇下到底救唔救得返。

空氣瀏海經過髮型師力挽狂瀾後嘅髮型，大家又覺得成唔成功呢？ — 經過髮型師力挽狂瀾後嘅髮型，大家又覺得成唔成功呢？（圖片來源：Facebook@Celine Teoh授權照片）

空氣瀏海看起來非常仙氣。 — 看起來非常仙氣。（圖片來源：Facebook@Celine Teoh授權照片）

髮型屋出post道歉

髮型屋事後都做足公關措施，展現出補救嘅誠意。

空氣瀏海髮型屋貼文回應，表示日後會提升對髮型師的培訓。 — 髮型屋貼文回應，表示日後會提升對髮型師的培訓。（圖片來源：Facebook@Hairstory截圖）

被質疑係炒作？

大部分網民都同情事主「慘痛」嘅經歷，但亦有不少網民質疑事主同髮型屋係夾埋一齊做場大龍鳳搏宣傳。

空氣瀏海網民質疑事主夾埋髮型屋炒作。 — 網民質疑事主夾埋髮型屋炒作。（圖片來源：Facebook@Celine Teoh留言截圖）

空氣瀏海亦有網民覺得成件事係廣告宣傳手法。 — 亦有網民覺得成件事係廣告宣傳手法。（圖片來源：Facebook@Celine Teoh留言截圖）

空氣瀏海亦有網民毫不客氣，揶揄事主的新髮型係過氣瀏海。 — 更網民毫不客氣，揶揄事主的新髮型係過氣瀏海。（圖片來源：Facebook@Celine Teoh留言截圖）

空氣瀏海想好似IU咁靚，首先都要有個好嘅髮型師啊！ — 想好似IU咁靚，首先都要有個好嘅髮型師啊！（圖片來源：IG@dlwlrma）

事主霸氣長文回應爭議！

不過對於網民嘅抨擊，事主就出長文否認，指自己事前根本無收過錢，而且係真金白銀俾錢出嚟剪頭髮，之後被髮型屋總監的真誠打動，才會讓他們補救。

空氣瀏海事主發長文回應炒作指控。 — 事主發長文回應炒作指控。（圖片來源：Facebook@Celine Teoh截圖）

空氣瀏海事主表示自己是被髮型師總監的用心感動，勸喻網民唔好再批評佢嘅髮型。 — 事主表示自己是被髮型屋總監嘅用心感動，勸喻網民唔好再批評佢嘅髮型。（圖片來源：Facebook@Celine Teoh授權照片）

圖片來源：Facebook@Celine Teoh

關鍵詞

網絡熱話髮型

撰文：Mila圖片來源：Facebook@Celine Teoh授權照片、Facebook@Hairstory截圖