全職家庭主婦港媽移民後不再供養留港父母 稱收入只夠全家開支：啲錢係我老公畀嘅唔敢拎啲畀我父母！網民怒轟：一千一個月都拎唔出？｜網絡熱話
廣告
最近有網友在討論區「親子王國」表示一家已移民外地，但生活費只夠自己一家用，又要在外面供樓，所以無再匯錢給在港的父母。但前幾日被親友問，事主詢問一眾網民是否仍要畀家用給在港的父母？
主婦港媽移民後不再供養留港父母
女事主為一名家庭主婦，現時沒有工作，「因無朋友傾，在外好孤單，睇得多youtube啲人又父母去探，又父母寄嘢，所以想聽下其他人意見，因都有第二啲親友都無畀錢在港家人，咁是否好有問題？」
事主希望兩個妹妹養返父母
事主稱「父母有寄野畀我，我都有叫佢地幫我再買啲嘢。但我依家啲錢係我老公畀嘅，我唔敢拎啲畀我父母，好似好衰咁。」事主有兩個妹妹，她曾與妹妹透露自己無能力養父母，希望兩個妹妹生醒，會養返父母。
網民一面倒認為樓主有責任供養父母
不少網民紛紛熱議，一面倒認為樓主雖然已移民和有家庭，但仍有責任供養父母，「其實唔關移民事，你移唔移民，多少都應該畀父母，呢樣唔洗父母開聲」、「如果係我，離開前會留一筆錢比父母，子女已唔係身邊，近身錢係老人家另一種安全感，如果冇就依家開始盡能力耐唔耐滙比佢地，盡點孝心」、「莫講係移民，當年自己自費去讀書都準備好一年嘅家用畀媽咪先離開香港。離開香港係個人選擇，唔代表子女嘅責任就唔需要負，自己走咗唔代表父母唔使食飯！」
部分網民支持：睇父母需要啦
有網民理性分析，詢問樓主父母經濟如何，「一千一個月都拎唔出？」如果樓主移民前有畀家用，就應要繼續交家用。「睇父母需要啦，如果佢地生活上需要你筆零用錢，咁做仔女都會定期畀。如果佢地係搞得掂，我就唔會咁樣定期畀。但每次返香港或佢地有需要啲咩嘢，我都會親自買返去或寄返去，有大事需要出錢就一定會攞錢出黎畀。」
資料來源：親子王國
圖片來源：親子王國截圖、TVB《香港愛情故事》、TVB《愛回家之開心速遞》
