港女為慳錢深圳租$2,200住270呎單位 1原因每日3小時來回銅鑼灣返工都抵
廣告
不少人都希望公司或者學校是鄰近自己的家，可以縮短通勤時間。但近日有港女卻反其道而行，上班地點在銅鑼灣，但卻搬到深圳居住，通勤時間需要3小時。但她一於少理，更揚言「愛上深圳、住埋喺深圳」，更指「計埋交通費仲平過香港租樓」。
港女為慳錢租270呎深圳單位 日花3小時來回銅鑼灣返工
有港女在Facebook 群組「深圳大灣區吃喝玩樂開心分享區」中分享，指自己職業有一半時間都是徘徊於港島和深圳。在幾年前於珠海辦理居住證後，就開始想將搬到深圳居住。近日更坐言起行，一個人租福田口岸，面積約25平方米，即約270呎的單位。事主表示怕低層會有嘈音，所以加多少少錢，租較高層的單位。單位月租$1,900元人民幣（約$2,200港幣），包床、基本電器如熱水爐、冷氣機、抽油煙機等。
而在圖片中，可以見到單位亦算企理簡約，以黃白色為主調，傢俱不算多，只有床架、書桌、大衣架、流理台。
港女滿足：都慳過喺香港租樓
女事主表示已經試過由深圳家返銅鑼灣，通勤時間為1 小時20 分鐘，過程算是快捷舒服。「過程不太辛苦，因為住得好近口岸，雖然多咗嘅交通費，但都慳過喺香港租樓。」
網民：十足十住隔離病房
但網民卻彈多過讚，認為單位太過簡陋，而且更有種住隔離病房一樣。「好似細咗少少」、「好似住咗10日竹篙灣」。但女網民卻一於少理，「我一啲都唔介意， 百貨應百客， 我自己覺得住得舒服，又覺得抵就得啦」最後還大讚管家小哥好體貼。
資料來源：FB@深圳大灣區吃喝玩樂開心分享區
圖片來源：FB@深圳大灣區吃喝玩樂開心分享區、《《五星級魚干女》劇照五星級魚干女》劇照
