秋季旅行｜奇怪的學校旅行地點？可樂廠、動植物公園已成經典！

秋季旅行｜網民討論學校旅行奇怪地方 沙田睇孔雀＋必去大棠荔枝園

不知道大家在學時去過哪些令你深刻的學校旅行地呢，就好像大棠荔枝園、海洋公園、大帽山郊野公園、濕地公園等，離不開一些較為熱門的公園。近日有網民在香港討論區上發文，問「大家以前學校旅行會去咩地方？有冇啲奇怪地方？」當大家都以為「來來去去咪又係嗰幾個地方」的時候，就有網民提出了大家想都沒有想過的地方！

熱點旅行地逐個數！

發文的網民首先拋磚引玉，表示自己「最慘係去到中學都只係去濕地公園咋…有朋友去迪迪尼，海洋park，仲有d返大陸」，然後其他網民亦提出了不少經常出現的地點，包括：可樂廠、動植物公園、城門水塘、大坳門、山頂、北潭涌、大尾篤等等。

網民盤點奇怪旅行地點！

其後一些經歷過「非一般學校旅行」的網民就開始嚟料了，表示自己曾去過「一個地方係門口啲牆有18層地獄，就係為左警剔我地唔好做壞事，但係我唔記得左個到叫咩名」（應為以前虎豹別墅旁的萬金油花園壁畫，現已清拆。如果小學去睇都幾震撼，隨時嚇親）、「小學讀天主教學校，去青松觀，蓬瀛仙館旅行」（道教之地），有網民笑稱「天主教去青松觀？！太乙真人大戰上帝？」

沙田龍華酒店食乳鴿＋睇甩毛臭孔雀

亦有網民就轉為分享自己小朋友的學校旅行經驗，「試過陪阿女幼園旅行，唔知邊位天才老師諗，去沙田龍華酒店食乳鴿，無野玩又細，得隻甩毛臭孔雀同間無客酒樓，成班家長坐係酒樓on_玩手指，到中午起碼有一半家長中途走了」、「小學就城門水塘，鹿頸，大尾篤，中學都係咁上下地方。反而亞仔小學又北京，又新加坡。」、「我讀書時學校去親都係城門水塘，大網仔，乜乜郊野公園。但我個女讀小三時學校已經去北京。」

網民嫌學校無新意 旅行地年年一樣！

仲有不少網民都反映，學校每天都去同樣的地方，「我果間中學係無腦唔想搵地方，一年一次旅行，由中一至中五都係粉嶺浸會園，大家一年比一年失望，去到是但搵地方坐到夠鐘，上車走人。」同一個公園坐足5年都幾灰，唔知大家又有無去過啲奇怪嘅學校旅行地呢？