應該唔會有人捨得食！神手媽媽每日預備超逼真卡通便當
廣告
小朋友偏食實在係令家長最煩惱嘅事，所以有唔少家長都會花啲心思，將蔬菜整成得意卡通去激發小朋友食慾。日本有位媽媽為咗吸引仔女進食，不惜花心機將食物整成卡通人物、食物包裝、新聞消息等，相信同學仔見到，一定會好羨慕佢一對仔女！
撰文：Evita | 圖片：Instagram
神手媽媽每日預備超逼真卡通便當
日本媽媽木下佑子育有一仔（1歲）一女（3歲），為咗改善仔女偏食習慣同埋令老公可以喺同事面前威下，佑子不斷鑽研愛心飯盒。食物唔單止係平時見到嘅雞蛋整成小雞外貌又或者係腸仔變八爪魚，而係……
佑子丈夫同細路一樣唔鍾意食蔬菜，所以佢首先向丈夫著手，將便當整成卡通人物同精美壽司。
相信佑子整便當嘅手藝熟能生巧，後來更挑戰將食材整成食品包裝、廣告牌、店舖等，真係不得不讚賞佑子對家人嘅用心同愛意！
連肯德基Logo都整得一模一樣咁！
小朋友見到咁靚應該唔會再有偏食嘅情況出現喇？
食靚靚便當就梗係要著得可愛啦，佑子嘅女女都不忘cosplay一下《龍珠》入面嘅孫悟空！
