瞓喺床就有錢收 美國太空總署15萬元聘研究人員
廣告
打工仔日做夜做，最大嘅願望應該係可以瞓足一日。機會話嚟就嚟，美國太空總署（NASA)現正招募研究人員，薪金達14.9萬港幣，咩工咁筍先？
NASA正喺德國科隆招募24位研究人員，參與者需要喺床上瞓足60日，不過都唔係咁簡單，床鋪會傾斜6度，頭部向下，令到參加者腳高過頭，減少血液流向四肢，諗起都痺啊！
不過長期無血就緊係唔得啦，參與者間唔中會被安排去實驗室嘅離心機，離心機嘅旋轉臂會將血液推到腳部，從而模擬重力嘅影響。
對於呢個睇落容易但其實困難嘅研究，團隊會支付每個參與者$19,000美金（約14.9萬港幣）。雖則瞓60日就有十幾萬袋落袋，但係60日都唔畀㩒手機、睇電視、睇書等休閒活動，唔知又有幾多人可以接受到呢？
