初次約會去睇戲 港女埋怨男方唔體貼冇帶一物！網民教一招解決｜ 玩樂熱話
廣告
有港男在分享與心儀女仔到戲院睇戲，過程相處自然非常順利，正想約下一次見面時女方卻表示男仔不夠細心，沒有留意到她在戲院覺得凍，更表示自己前男友都會為他多帶件外套，引起網民熱烈討論，有人認為這是善意提醒，有人則覺得這是港女行為？
港女睇戲嫌凍 埋怨男方冇幫佢帶外套！
連登討論區內一港男表示自己最近新識了一位女生，相處下來發覺「幾啱傾」，於是相約食飯睇戲，認為大家「互動都OK唔錯，都叫有講有笑」，晚上各自回家後二人仲有繼續傾偈，女生更主動問樓主「同佢出去開唔開心」，令人覺得似乎有發展空間。
男仔於是乘勝追擊再約下次試，女仔卻反問他在戲院時「 冇留意到我有啲凍」，表示以為他是細心的男生，甚至會自動自覺為她多帶一件外套，補充「以前啲男朋友/追求者都會識做呢啲」，令樓主反晒白眼，認為女生覺得凍應該自己帶外套，懷疑女生缺乏自理能力。
網民提一簡單解決方法！
點知簡單一事引起網民罵戰，有部份人覺得幫女仔帶外套、拎手袋等行為是不成功男人（Beta male）才會做的事，更何況二人只是初相識，唔應該做壞規矩，更認為女生講出口令成件事變得沒趣又尷尬。 但有些人則認為女方是在教樓主點樣追自己，是明顯對男生有意思，而且對女仔細心日是追求者的基本要求，又有醒目網民教路如果女仔覺得凍又沒有帶外套，男生可以取暖為名借故有身體接觸！
原文連結：連登討論區
關鍵詞
電影
撰文：KW圖片來源：《太陽的後裔》劇照, 《柔美的細胞小將》劇照, 新假期編輯部
