「男人睇戲喊真係好樣衰咩？ 」港男慘被女友怒轟好廢超委屈！網民連忙安慰
廣告
流淚是情緒抒發的一種方法，有些人愈大愈眼淺，連簡單的事情，例如抱一抱親人也想哭，也有些人愈大愈變得麻木，變得不再容易哭，不過哭泣，又是不是女性的專利？近日一位港男發帖，指自己在與女朋友睇愛情劇時，因為劇情感人肺腑而令自己淚眼汪汪，但就被女友嘲諷自己「好廢」，事件引起網民熱議。
港女狠批男人睇戲會喊好廢：樣衰又失禮！
隨自己一直成長，方會發現有淚多好。最近有一名港男在香港討論區上發帖，問大家「男人睇戲喊真係好樣衰咩」，指某天放假時，自己與女朋友在家中觀看「慘情戲」，當戲中演到某處親情位時，感性的樓主再沒也控制不住自己情緒，忍不住飲泣了數下，他原本以為女友沒有聽到，但是對方竟擰轉頭對他說：「呢啲戲你都好喊？男人老狗睇戲都喊，好廢呀！」
樓主無奈地在帖中狂呻，「呢啲生離死別橋段就算極老套我都好易喊，所以從來唔會主動話想睇呢啲戲就係咁解！而家陪佢睇完仲要話我廢，仲叫我陪佢去戲院睇呢啲戲嗰陣要忍住唔好喊，唔好失禮人，咁你唔去睇呢啲喊苦喊忽戲咪得囉！」反問大家「男人睇戲唔可以喊㗎咩？鐵漢柔情未聽過？」
網民安慰：咁都要性別歧視？
然而網民就大撐樓主睇戲睇到喊完全沒有問題，懂得哭泣的人才是有感情的人，同時有些電影、戲劇情節本來就是為了觸動不同性別的人，「有啲情節，男人先會明」。更反指其女友「不懂尊重別人」、「性別定型真的恐怖」、「我係女性都唔幫呢位雙重標準女友」、「睇場戲都要性別歧視。」也有人笑稱「我睇自己個股票倉都成日喊，好平常！」、「如果係靚仔喊呢就係真情流露，好可愛好true～」、「港男喊就樣衰，韓仔喊就是多情」。
原帖連結：按此
圖片來源：《鬼怪》劇照、《來自星星的你》劇照、《舉重妖精金福珠》劇照、《暖男爸爸》劇照、《大力女子都奉順》劇照、Facebook@香港討論區截圖、ViuTV《大叔的愛》截圖
