唔係呱?!?! 《真 • 三國無雙》拍真人電影版？
廣告
係呀！你無睇錯呀！Koei遊戲公司剛剛宣佈，《真・三國無雙》將會拍成一套真．電影，食住呢幾年遊戲改編電影嘅熱潮，將真三搬上大銀幕！而電影預計會喺年底拍攝，最快係2017年內上映。
還原經典招式及場面
據購買咗真人電影版嘅香港電影公司話，會還原一騎當千嘅盛大戰鬥場面。仲會以特技將遊戲角色嘅華麗招數搬上大銀幕。
諸葛亮射線會係其中一個會還原嘅招式
講到經典場面，點會唔少得第5集嘅片頭－－趙雲輕功水上飄。唔知飾演趙雲果位演員有冇咁好腳力呢…真係有點擔心。
其實一騎當千嘅熱血場面，可以考慮下搵Agent Smith嚟做個Crossover…。另一個熱話，當然就係選角啦，話晒個個都係經典人物，要搵D真係襯得起呢個角色嘅演員一D都唔易。不過，說時遲那時快網上流傳一張疑似電影版嘅資料，上面有幾個暫定演員及幕後班底資料，唔知可唔可信呢？
暫定嘅演員會有馮紹峰、阮經天同彭于晏，唔知到時會唔會有林峰份呢？話哂佢都做過諸葛亮，而有部分嘅網民就話達哥演諸葛亮一定好正。
至於劉皇叔會由邊個嚟演？我諗大家心入面都有個答案…
唔知道大家又想邊個去做真人版三國無雙呢？自己投票決定啦！(按演員名投票)
[poll id=”30″]
延伸閱讀：
