「百變女王」神還原劉嘉玲 嘉玲姐：「個妝化得比我更好！」
廣告
相信有唔少網民都睇過好多自拍化妝或落妝片，最後出嚟嘅效果都嚇你一跳。近日就有一位內地仿妝網紅仿效劉嘉玲妝容，最後仲獲得劉嘉玲真身認可！
撰文：Evita ｜圖片：百變女王丁蘭＠微博
「百變女王」神還原劉嘉玲
呢位內地仿妝網紅叫「百變女王丁蘭」，微博有18萬5千多嘅粉絲，佢稱自己為一位業餘化妝愛好者。丁蘭經常仿效藝人妝容，再將影片上傳到微博同抖音，每次都有新驚喜！
除咗電視劇人物外，丁蘭仲有仿效女神朱茵同迪麗熱巴，真係無10成都有9成似！
近日丁蘭仿效女星劉嘉玲，影片中見到佢首先掩住左邊臉，只見佢本人素顏外表。轉個眼用手掩住右邊臉，露出左邊臉時……咦！呢個咪嘉玲姐！
就連劉嘉玲真身都喺Instagram上分享呢條片，仲幽默地話：「這個妝化的比劉嘉玲還要好！」可以今次丁蘭真係神還原嘉玲姐個樣，仲獲得本尊認可！
有網民更加話「比劉嘉玲更劉嘉玲」，不過就有人話似內地女歌手那英多啲喇！大家又覺得似唔似先？
