天星小輪減班次！最長要等22分鐘 天星小輪關閉下層客艙＋提早尾班船

天星小輪減班次！
關閉下層客艙＋提早尾班船

渡輪公司宣布為提高對乘客及員工嘅保障，公司即日起已關閉來往中環及尖沙咀渡輪嘅下層客艙，直至另行通知。而乘客只需付下層船費（$2.6）便可乘坐上層客艙（$3.2），平咗$0.6。消息一出，網民都紛紛留言，更有網民讚好！

天星小輪削減班次＋提早尾班船

渡輪公司亦喺較早前宣布調整天星小輪服務時間直至另行通知，以便加強渡輪嘅清潔。來往尖沙咀同中環、灣仔嘅渡輪航線都受到影響，頭班同尾班船時間會有所改動，同埋會削減班次，乘客乘搭渡輪前最好查清楚時間。

來往中環/尖沙咀渡輪 將縮短服務時間

從下圖最新嘅時間表可見，來往中環同尖沙咀嘅航線亦有縮短服務時間，頭班船由早上6點30分延遲至早上7點，尾班船由晚上11點30分提早至晚上9點停航，全日班次則會減至10至12分鐘一班。

來往灣仔/尖沙咀渡輪 將提早尾班船

而來往灣仔同尖沙咀航線頭班船時間不變，同樣是7點30分頭班船。於尖沙咀開出嘅尾班船由晚上10點50分提早至晚上8點50分，至於灣仔開出嘅尾班船就由晚上11點提早至晚上9點。全日班次則會減至20至22分鐘一班。大家要留意不要錯過尾班船時間喇！