巴士到站男童禮讓乘客先下車遭港爸鬧爆！乘客平反：佢係好孩子｜網絡熱話

腳傷獲禮讓先行 事主內心稱讚男童善良

事主朋友代其發文，事主腳傷看了跌打，左腳被包紮，乘巴士75X返總站富善邨的家，由於下層已滿，事主到上層最前排坐下，到站時事主為免因自己行動不便減慢其他乘客下車，故打算等到最後才下車。事主見剩下兩、三個乘客就開始步往樓梯方向，遇上最後的乘客是一位男童，他雙手向事主示意讓他先行，事主心底讚許男童的禮讓。

男童的禮讓換來被港爸鬧爆

事主才發現在他前面的是男童的爸爸，港爸發覺男童沒有緊隨其後就破口大罵，直至事主終於成功下車，港爸責罵不停，不滿男童「自己走咗去，被人攝位」。事主見狀，當場向港爸解釋：「先生，我冇攝位，係小朋友有禮貌，讓我先行，你唔好咁話佢。」事主補充，男童已被責備得不懂反應，表現害怕，默不作聲；港爸竟然沒有收歛，繼續反駁事主：「我點教小朋友係我家事，唔到你理！」

港爸不可理喻 令事主不想再糾纏

事主替男童不忿：「你家事我唔會理，我淨係知佢係好孩子，你唔好咁話佢。」港爸似乎想靠惡保存面子續道：「你都唔好咁嘅態度同我講嘢，佢之前成日都係咁，唔跟住乜乜……」事主覺得港爸不可理喻，只好邊走邊道：「OKOK，你唔好咁話佢啦！」雖然事主與兩父子向不同方向離開，港爸並沒有停止責備男童。

有感而發 向男童致謝

事主著朋友發長文，無意批評別人教仔，只是有感而發，因為男童的善良「懂得禮讓」，卻無辜被港爸怒罵。事主大嘆父母應該相信及理解小朋友，亦估計重遇男童的機會渺茫，藉此帖文向男童致謝，「多謝你對我嘅禮讓，多謝你嘅善良」。

網民怒斥港爸所作所為

帖文一出旋即引起網民熱議，網民不恥港爸的行為，「個老豆死要臉，結果更加唔要臉」、「『我點教仔唔關你事』呢句當家長處於無敵狀態你必出嘅」、「又要講嗰句笑話，天下無不是之父母」、「小朋友知書識禮，肯定唔係佢老豆教！」，甚至有人著事主「你同佢講我點教你個仔都係我嘅事」。

原文：

資料來源： FB@大埔TAI PO