男友不育怕無面向雙方家長屈女友食死貓　藉機唔畀禮金兼命令做1事：好崩潰

低薪男友不育竟要求有錢女友「食死貓」：我仲可以唔使畀禮金！

女事主在大學就讀專科，自信畢業後工作一陣子月薪月可達3、4萬，男友則從事飲食業兼職，月入近2萬；收入較低的男友認為女方家人「拜金」看不起他，加上二人支出多由女生負責，因而令女方家長留下男友「食軟飯」的印象。後來男友體檢時發現可能因不良習慣過多而不育，要求女事主向雙方家人謊稱是女方不育，以免被女家要求他們分手，加上男人不育「好無面」，而且可以藉口女事主不育而少給禮金，早點儲夠錢結婚，故著女事主向雙方家人謊稱是自己不育，女事主對男友的要求大感離譜，十分傷心，要求分手，男友暫且成功力挽狂瀾。

男友自稱好大方「夾少少」　叫女友做人工授孕：生到我養埋你！

女事主得悉男家原來很希望二人婚後生小孩，近日再談及人工授孕，男友表示「最多第時結婚你辭咗份工，搬過嚟同我屋企人住，幸幸福福咁喺屋企湊仔，我養你一世」，女事主對此男友養家的能力存疑之餘，反問人工授孕的費用來源，男友竟厚顏地叫女事主向父母自稱不育要求醫藥費，男友會「畀少少錢同我夾」。女事主及後了解人工授孕的操作，除了加速排卵會對身體造會傷害之外，還要被植入陌生男子的精子，更令女事主難以接受。

男友1句令女友陷自我質疑：拒做人工授孕是否很自私？

而女事主及後再為人工授孕一事與男友爭執不斷，男友更大言不慚地說，「我為咗你，已經咁大方戴綠帽，唔介意你做試管有其他人嘅BB， 你憑咩唔可以為咗我咁樣付出啊。 」女事主聽罷十分傷心，她既不欲欺騙雙方家長，又沒有心理準備接受人工授孕，徬徨地求教網民：「仲結唔結婚好？係咪我真係好自私呢？」

一眾網民力勸女事主：「分手保平安」

帖文引起網民一面倒力勸女事主與男友分手，「又吸X又飲又冇錢又大男人，啲價值觀錯晒，我理解唔到點解揀佢」、「搵得個2萬當自己係神，可以養全家，咁樓主一個女人搵夠4萬養自己唔好，仲要呃你父母畀少啲禮金，再資助你生活費咁嘅說話都講得出，人渣中嘅人渣」、「齋睇標題已經覺得可以分，睇埋內容，你值得更好」、「分手保平安」。

資料來源：Dcard