港女力數男友6宗罪：明明有女朋友卻扮單身＋拍拖時瘋狂提住前任｜網絡熱話

男友扮單身追求事主

最近有網友在「Dcard」分享被男友情緒霸凌，更大數男友6宗罪，男友一直扮單身追事主，「一開始唔同我講有女朋友，拍緊拖果陣同我講其實有女朋友，表示希望同時要哂兩個女朋友」。

港女大數男友6宗罪

其後男友更扮無辜表示此非自己原意，只是巧合愛上多於一個女生，想給自己多一個選擇而已，而另外5宗罪如下：

01 ｜不停提起前度，包括床事，表示非常懷念。

02 ｜不停打壓，表示事主樣貌不夠美、不夠聰明、身材不夠好，「總之咩都未去到佢想要嘅最好，但係撇清自己問題，話會接受不完美，只係平時開口埋口都係貌似開玩笑的嫌棄」。

03 ｜情緒起伏大，男友不開心或者遇到不如意的事，無論是否與事主有關，總會發洩在事主身上，例如威脅分手。

04 ｜過分開玩笑，「甚至可能係認真，不停講話要出去搵其他女仔，希望知道我因此唔開心，佢先滿意」。

05 ｜對於其他異性，一律不拒絕，更向事主炫耀有異性追求，甚至以非自己做主動作藉口不拒絕。

事主無辦法與男友分手

事主表示雖然男友犯了以上6宗罪，不過男友也有好的地方「我深知自己被情緒霸凌一年都冇辦法分手，甚至係佢鬧分手果陣主動示弱挽留，但係最近有更加過分的跡象」，更希望一眾網民可以鬧醒她！

網民：繼續與男友一起就是自己的個人選擇

不少網民紛紛留言，表示樓主其實理性上都知道男友缺點多，仍繼續與男友一起就是自己的個人選擇，「當然感性上割裂唔到段關係住都合理，但係有時要分就係要分，要對住自己狠心啲」、「犯賤，你都識數晒佢啲衰嘢出嚟，仲唔識諗？」、「樓主似傻妹豬，第一點已經可以分手block得，傻嘅先會俾啲垃圾情緒勒索到咁嘅地步都唔放手」。

網民：一個願打一個願挨

有網民覺得樓主現階段是一個願打一個願挨，「你明知佢情緒霸凌你整整一年，你都冇分手，整整一年因為佢嘅好掩蓋咗佢嘅唔好，你情我願，就唔好講到自己係受害者，anyway希望你知道呢個世界唔係得佢一個男人，要比佢好嘅大把，唔好自己攞嚟賤，你係你父母嘅寶貝女，你唔值得佢咁樣對你咁唔尊重你」。

資料來源：Dcard