拍拖2年先知道男友一直有老婆！港女崩潰發現意外做咗小三 驚呼：好可怕！｜網絡熱話

拍拖2年先知道男友一直有老婆

最近有女網友在討論區發文，表示自己與現任男友拍拖2年先知道對方一直有老婆，事主已分手亦勸大家要帶眼識人。女事主表示與男友在網上認識，當時男友聲稱自己是單身，後來就順理成章開始拍拖。

拍拖3個月就意外懷孕

女事主指他們拍拖3個月就意外懷孕，男友表示未準備好要做爸爸，勸女事主做終止懷孕手術。女事主亦明白大家交往時間短，事後本來沒有打算繼續一齊，但她感受到男友真的好愛她，於是繼續交往。

女事主原來一直做緊小三

直到他們拍拖兩年，有日男友突然向女事主坦白，「佢同我講未識我之前其實已經結咗婚有老婆，依家想分手，當時真係晴天霹靂，原來自己一直做緊小三，諗起當時佢有老婆嘅情況下攪大我個肚，覺得佢好可怕」，女事主亦很自責覺得對不起他老婆，於是已與男友分手。

網民：唔係想重修舊好，係想打場友誼波

過了幾年後，前男友突然發訊息問女事主近來如何，女事主不解「究竟呢個男人諗咩？重修舊好？」，亦奉勸大家要帶眼識人，不少網民紛紛留言，勸女事主要清醒：「唔係想重修舊好，係有需要，又忽然間諗起你，想打場友誼波」、「帶眼同帶腦一樣重要」、「好簡單，叫佢離婚囉」。

有網民表示其實大把類似事件，「都唔知啲賤男想點，做女嘅就自愛多點」，不過就算知對方有另一半，都會話感情淡了或者大家相處有問題。亦有網民諷刺女事主：「唔識保護自己？佢唔戴你都可以食藥架」、「咁意外懷孕女仔都有責任避孕。不過做咗小三又真係好無辜」、「世事已被看透，靚仔點睇都唔會單身，除非佢真系單身一丁友，唔系2奶、3奶、小3、小4你都有機會做」。

資料來源：Be Forum