港女誤踩男友新鞋！男友手拿珍珠奶茶報復 網民：恐怖情人｜網絡熱話

港女踩男友新鞋、鞋上現紅色痕

女事主指，男友早前找代購買入一款香港未有發售的新鞋款，於是二人就打算趁週末外出順便拍照，原本是開心的約會，但星期六香港周圍也水洩不通，走在女事主前面的一位大媽突然停低，令港女「剎唔切制，一腳踩咗落佢(男友)隻鞋」，更指見到新鞋面「好明顯有一個鞋印，仲有啲紅色好似係顏料嘅痕」。

男友馬上氣得現青筋，「成臉紅曬，又爆青根咁」，女事主知道闖禍，馬上拿上濕紙巾幫他抹，但未抹已被男友一個舉動嚇呆！

港女被潑珍珠奶茶「報復」

港女原想拿濕紙巾替男友抹新鞋，但男友卻突然撕開手上珍珠奶茶的封膜，再把奶茶潑向女事主的腳，弄髒了她的鞋和褲子，女事主當下「呆X咗」，然後男友一聲不吭就走了，路人都被男友的行為嚇倒，女事則唯有自己去附近的店舖買新褲換。女事主知道自己踩到男友的新鞋是她不好，但她並非刻意而是不小心，直言覺得男友「太癲」。

非首次受男友暴力對待、網民：唔分等拜山？

港女之後又指，其實男友已經不是第一次這樣對待她，她指曾經試過「唔小心整跌佢手機」，對方即二話不說把女事主的電話也掉落地，報復心非常強！不少網民都認為女事主遇上了一個恐怖情人，指「依家就係潑珍珠奶茶，下次就郁手打你㗎啦」、「癲架喎，下次會唔會淋你鏹水？」，更指「控制唔到情緒嘅人，真係唔洗再同佢一齊」，更直言「分，唔係下次就斬你」，坦言現在不分手「唔通等拜山？」！

稱冷戰中未分手、網民表示無法接受

不少網民都好奇為何男友多次這樣對待事主，她仍然不分手，事主就回覆指「啱啱識佢個時唔係咁咖」、「佢每次都會道歉」，有網民表示無法接受，「根本就係結咗婚一邊打你一邊道歉嗰啲恐怖情人恐怖丈夫」，也有網民指「唔明點解呢啲人有拖拍」，有網民就回應「靚仔又有錢掛」。

事後樓主也有回覆指仍未與男友分手，二人只是冷戰中，有網民指「樓主心臟真係強大，咁都可以冷戰」，也有網民指這樣也不分手的話，「你唔好放佢出嚟害其他女仔呀。支持原po原諒男朋友」。假如是你，又會如何應對？

資料來源：Dcard