男士瑜伽｜港男學Yoga減肥！好處多卻怕被人笑！一招KO尷尬｜ 玩樂熱話
廣告
男士學瑜伽｜近日有人於網上討論區提問，表示自己想報名參加瑜伽堂，但由於香港的主流參加者仍然為女性，怕自己一個男人去上堂會奇怪，甚至被人當係變態，所以想問其他人的經驗，以作參考。
瑜伽好處多｜男士學瑜伽好奇怪？港男想報名但怕被當變態
這位巴打於「連登討論區」 分享自己由於「啲筋好硬」，「 想拉鬆下佢，對做其他項目嘅運動都有好處」， 萌生起報名上瑜伽班嘅念頭， 並坦言有女仔着住貼身瑜伽褲圍係身邊都係其中一個好處，但驚自己一個男仔上堂會好奇怪，甚至被人當係變態佬，想知道其他巴打有冇類似經驗，上堂時會否覺得尷尬。
瑜伽好處
男士學瑜伽｜網民圍爐拆解迷思：怕尷尬可坐第一排做！
原本以為樓主會招來連登仔連番取笑，誰不知一眾巴絲力撐，有男網民分享自己上堂經驗， 如果並唔係明顯昅女， 專心上堂其實無人會歧視你； 另一巴打則表示女同學會主動和他傾偈，更稱讚他做到某一些難度動作；女網民表示同意， 仲話每次上堂見到男仔肯學瑜伽都會「幾開心」。 有網民提議如果怕尷尬， 應該「排最前做咪得囉，唔使驚人誤會」。
簡單一招解決：報名全男瑜伽班！
原來有同樣諗法嘅不只樓主一個， 很多網民舉手表示自己亦有意參加，全因現代人生活節奏緊張，肌肉繃緊的都市病希望可以透過瑜伽改善； 亦有網民提出很多瑜伽大師都是男性，因為瑜伽發源地印度傳統上都是男人修練的運動； 亦有好心巴打認為如果真係過唔到心理關口， 可以參加全男班、甚至連導師都是男性的瑜伽班！
資料來源：連登討論區
男士學瑜伽有哪些好處？
大多數瑜伽班都是全女班，有港男想報名上堂但又怕奇怪…但學瑜伽對男士亦有不少好處……
如何消除男士學瑜伽時的尷尬感？
學瑜伽的好處包括改善寒背、厚背、甚至可以增高3cm，所以男士學瑜伽千萬不要抗拒做Yoga，有網友就提議如何消除尷尬……
撰文：KW圖片來源：LIHKG, IG@yogawifbianca, Unsplash@yogimadhav
