率先試食！紫薯菠蘿牛角包！【葵芳食乜好】
廣告
情報更新24/11/2015
紫薯迷停不了！早前先向大家介紹紫薯蛋撻，今次有紫薯菠蘿牛角包！不過，紫薯始終都幾滯，為了去掉膩感，加入了清甜菠蘿，令本來油膩的牛角包和紫薯蓉變得清新。食完呢款甜品，又可以繼續掃街掃食！
試食報告：
牛角包：牛角包烘烤得香脆。
紫薯蓉：以新鮮紫薯煮熟再打成蓉，味道清香，不會太甜。
菠蘿：先煎香，再放在紫薯表面，味道清甜，可解掉紫薯的膩感。
總評：牛角包和紫薯的份量其實都多，就咁食的確幾滯，不過加了菠蘿後的紫薯牛角包，令原本比較清淡和膩的紫薯蓉變得清新，無咁滯。女孩的話，還是建議與人分享；男孩的話，食掉整個應該沒有難度。
以後大家去葵涌廣場又多一個地方食嘢啦！事關呢度開咗間窩夫店，Haru & P，賣嘅喺一支支 鐵塔窩夫 。你無睇錯，係可以好似串燒咁拎住食嘅窩夫。呢度推出嘅 鐵塔窩夫 有水果味、朱古力味和焦糖花生醬味，最近仲推出埋甜品界不可缺少的味道，綠茶紅豆味。除咗味道唔會過甜，最吸引之處喺佢上面仲鋪滿忌廉，又滑又香濃，真係冒住肥十磅嘅風險都要食佢。事不宜遲，馬上送上試食報告！
話說，記者上網睇到 鐵塔窩夫 張相，好似好長咁，的確佢係有返咁上下長度嘅，有成22cm長，不過真實睇又唔係真係好長好震撼。
反而，呢支窩夫最吸引的地方係佢上面個層濃濃的忌廉。店主話，呢個忌廉落足料，用純忌廉加糖粉，雖然整出來係會無咁企身，好易融，不過就好滑好濃，記者我係毫無猶豫地食晒成支。
記者小分享：雖然呢支窩夫味道幾好，不過，建議大家可以同朋友分享，事關都幾膩，若然食晒成支，真係行晒成個葵涌廣場兩次都未必消耗到半支 鐵塔窩夫 的卡路里。
Haru & P除了有 鐵塔窩夫 ，仲有牛角包。呢度有咸味牛角包之外，仲有朱古力牛角包，各位朱古力迷，難道你會忍得住口唔食佢？
