郊外溪水暗藏危機 網民用顯微鏡發現大量恐怖變形蟲！化學博士K Kwong警告：洗手洗面時蟲蟲有機會鑽入體內｜玩樂熱話

郊外溪水好危險！網民用顯微鏡發現大量恐怖變形蟲

連登網民以經典廣告的台詞「你有冇常識㗎，飲冇煲過嘅溪水。睇吓飲咗幾多微生物落肚」為題發帖，分享自己以顯微鏡觀察溪水的結果，發現就算睇落清澈嘅水，入面都有好多不同的生物。

該網民貼出溪水中常見的微生物圖片，包括變形蟲、草履蟲、棘尾蟲等，更清楚介紹了每一種微生物的特性，例如變形蟲只要是來自郊區嘅水或者其他污水例如游泳池都好大機會搵到，種類有成千上萬，大部分都不會危害人體健康，不過飲受污染嘅水都有感染少數致病變形蟲嘅風險，所以未清潔及煲過的溪水切勿飲用！

樓主稱雖然他今次介紹的微生物大部分都屬於無害，但不代表水中沒有能致病的細菌和病毒，只是因為器材所限而無法觀察，並提出結論，「山水好鬼污糟咪飲咪用嚟洗手」。

化學博士K Kwong警告：洗手洗面時蟲蟲有機會鑽入體內

香港化學博士鄺士山K Kwong曾經在Facebook上發文警告，溪水絕對不可直接飲用，去郊外最好自備飲用水，就算要飲都絕對要煲過。他指除了雪山融化嗰啲冰雪水可以直接飲用，其他流經樹林不論係地面、或者地底的水都不可以直接飲，因為野生動物的寄生蟲會流入溪水，帶來細菌與病毒。

K Kwong提醒大家，如果皮膚沒有傷口使用溪水洗手沒有問題，但如果要洗面，都千萬不要整到眼晴，以防變形蟲進入眼晴，再進入大腦；如皮膚有傷口的話，就更要避免使用溪水。