網上瘋傳港鐵出現床褥被鋪 胸圍掛扶手！網民笑問：VIP車廂？｜玩樂熱話

網上瘋傳港鐵出現床褥＋胸圍！

有網民在Facebook「香港單身狗關注組」發帖，網民上載了兩張貌似港鐵的照片，不過有趣的地方是有一個bra掛在扶手之間，網民笑言：「冇搭一排港鐵，原來呢家港鐵有vip車卡？咁返工一定唔怕會遲到，可以瞓耐啲」。

真身係時鐘酒店主題房間！

不少網民紛紛留言，指照片中的地方是佐敦一間時鐘酒店的主題房間，不過房間的設計就神還原港鐵車廂的樣貌，更有扶手、地鐵路線圖等的設計，真的與港鐵好似！「佐敦情趣酒店，幾年前去過1次，不過揀咗office嘅場景。另外佢仲有醫生診所場景，同課室場景」、「呢度唔係….時鐘酒店咩」、「好似係某間時鐘酒店嚟」。

不過有網民覺得這個主題房間似佈景多過似港鐵，「係佈景板，你睇吓第二張個天花，你見過地鐵車箱頂有消房花灑頭咩？」、「港鐵啲位邊係咁呀」、「拍戲佈景，仲要好流！低成本製作本土AV」、「直頭是假，哪有車廂內會有防火花灑頭」。

網民大讚設計很有趣

亦有網民覺得時鐘酒店主題房間的設計很有趣，「咁癲」、「重點係掛住啲咩」、「冇乾衣機呀」、「掛住個bra想點，Mtr裏面ntr」、「搞到仲放大張相想睇下係邊條高鐵線」、「冇門嘅VIP房」、「小心個玻璃，人地望住你搞嘢」、「好似咩地方有模擬地鐵酒店」、「間房最多可以幾多人入去？我想塞滿個車廂」。

資料來源：FB@香港單身狗關注組