港航以「零食拼盤」作飛機餐 網民意外地一致叫好
廣告
旅遊是不少香港人的愛好，搭飛機影低飛機餐亦是紀錄旅行的一個重要部份。近日就有網友乘搭香港航空時拍下了一份特別的飛機餐，皆因比起說是飛機餐不如說是「零食拼盤」。事主拍下同網民分享，點知大多網民都表示「寧願食呢啲」，令人非常意外。
撰文：GW｜來源：Facebook@中伏飲食報料區
事主表示自己8月2日早上10：40分乘搭香港航空，編號 HX6682 由香港飛往岡山的班機，飛行時間約3小時50分鐘。事主雖然知道飛行時間不長，但估計飛機餐至少「有個包」，但點知嚟咗個零食拼盤，質疑俾呢啲乘客當飛機餐會唔會Cheap咗啲，但點知同網民分享後，網民幾乎一面倒好評呢種「零食拼盤」飛機餐。
事主拍攝的照片可以看到餐盒內有一包卡樂B什菜薯條、一件嘉頓朱古力蛋糕、一小包雞蛋仔零食及一小杯水，以成人份量是絕對不夠飽肚。不過事主都表示呢份係佢食過最好食同最衛生的飛機餐，不過就真係完全食唔飽。
網民就紛紛表示支持，「反正依家啲飛機餐都唔好食得去邊」、「好過食腸仔飽啦」、「感覺好親切同有香港特色」、「全部獨立包裝夠晒衛生！」，仲認為「反正成日比人投訴飛機餐難食，零食就一定啱食又無人投訴！」
