30歲買樓係基本！港男鬧年過30住公屋或租樓＝失敗 網民斥太離地｜網絡熱話
廣告
上樓難，租樓貴，買樓對於很多香港人來講，可以形容為遙不可及。不過近日連登有人大指「30歲人仲住公屋或租樓真係好失敗」，此言一出，激起網民熱烈討論！
港男稱30歲住公屋租樓是失敗者
據出帖文的港男所指，他在網上看到港人經常「誇張地」呻難買樓，長期圍爐取暖令他非常不解。他認為30歲人理應要有自己物業，「唔係誇張，有咩理由去到三十幾歲仲未有自己物業？」在他角度，覺得港人有3個方法必然可以買樓！
1.找女朋友/老婆一齊供樓，每個人月薪為2-3萬，已經有5萬月入，可以買樓齡高嘅樓
2.屋企人贊助少少首期，自己一個供，月入5萬已經可以過到壓力測試
3.再厲害可以自己一手包辦，假如有份專業的話，自己慳一點加適當投資，20歲儲到30幾歲，一定可以有錢供樓。
他又指Facebook 留言的失敗者，全部平時都「洗腳唔抹腳，又要即時行樂，又要冇專業技能，咁失敗都唔知做人為乜」
港男稱買樓是基本！網民：佢先係最失敗
此言一出，不少網民立即反駁港男，認為他極度離地，有人認為「最低工資幾時變做2至3萬」，港男立即反擊「即係拎最低工資好失敗。」而有網民則大鬧以買樓來判斷別人成功與否，才是最失敗，但樓主再度上水發表偉論，「冇人話買樓一定成功，買樓係基本，基本做唔到就係失敗。」
不過，大量網民依然不理解港男觀點，認為社會有社會的階層金字塔，不會全部是窮人或富豪，更指樓主根本本身就是窮人，才會將買樓看得那麼高，現實是一個失敗者。
原文：
資料來源：連登討論區
圖片來源：《香港愛情故事》劇照、《男人唔可以窮》劇照、連登討論區、《飯氣攻心》劇照、《季前賽》劇照
