港男斥香港醫護「辛苦唔係大晒」　帶老人家睇急症慘被Hea　網民：超認同！

Apr 14 2023

香港地，食飯要等、輪公屋要等、連睇個急症都要等！雖然叫急症，但若不是急到就嚟死的話，一般都要等上五六七個鐘。而近日就有港男於討論區上大呻，有次長輩身體不適到急症室睇醫生。他表示要等都不是一個問題，問題是醫生護士態度都極差，入到醫生房仲要畀醫生1句串走佢哋！而該帖文一岀，隨即引起廣大網民認同，表示雖然明白香港醫療系統存在結構性問題，使醫護們工作壓力大。可是，若病人態度正常，作為醫者是否應該畀翻啲禮貌同尊重呢？

長輩手頸麻痹入急症　護士、醫生態度極差：老人家都咁對待？

該名事主以「你哋班醫護入一入嚟」為題，表示因長輩深夜手頸麻痹，並痛苦呻吟，而入急症看診。當去到分流站，事主指該名護士態度已經非常惡劣，長輩聽力弱，「講咗句唔好意思，可唔可以講多次，佢塊面隔住個罩已經睇到佢係X到出汁，啲語氣又差到好似X佢全家咁」，之後又叫事主岀去等。事主表示等並不是問題，但終於入到醫生房，對完資料後醫生便開始問問題，事主的長輩有問必答，但醫生沒有回應卻「係咁易摸咗兩下就同佢話冇咩事，可以去外面拎止痛藥」。之後，長輩表示手會麻痹，但醫生卻不情不願地拿個鎚輕敲幾下，並問：「痛唔痛？」長輩話有少少，事主十分憤怒表示：「你XX，個醫生話痛姐係神經冇事啦，可以走㗎喇！」

港男急症之後，長輩表示手會麻痹，但醫生卻不情不願地拿個鎚輕敲幾下，並問：「痛唔痛？」長輩話有少少，事主十分憤怒表示：「你XX，個醫生話痛姐係神經冇事啦，可以走㗎喇！」示意圖，非當事人） — 長輩表示手會麻痹，但醫生卻不情不願地拿個鎚輕敲幾下，並問：「痛唔痛？」長輩話有少少，醫生稱：「姐係神經冇事啦，可以走㗎喇！」（示意圖，非當事人）（圖片來源：TVB《白色強人》劇照）

事主追問是否需要照X光　醫生唔耐煩：嚴重過佢嘅人大把！

事主由於十分擔心長輩的情況，便追問是否需照X光，但醫生只説：「其實嚴重過佢嘅人大有人在，可以走㗎喇。」事主聽後便即生氣，想望下醫生的名牌作投訴，但卻被遮住了。事主更指醫生的樣子年輕，不像是「Old seafood」，他指明白醫護辛苦，但都可有基本尊重和耐性吧。他後續更表示家中長輩現在都不敢去看醫生了，深怕被罵浪費醫療資源。

港男急症事主由於十分擔心長輩的情況，便追問是否需照X光，但醫生只説：「其實嚴重過佢嘅人大有人在，可以走㗎喇。」示意圖，非當事人） — 事主由於十分擔心長輩的情況，便追問是否需照X光，但醫生只説：「其實嚴重過佢嘅人大有人在，可以走㗎喇。」（示意圖，非當事人）（圖片來源：TVB《白色強人》劇照）

網民大感認同：香港醫護比人寵壞晒！

不少網民看到該帖文都表示認同，認為香港醫護被光環包圍，「其實真係有班醫護係好XX係事實」、「每次咁樣講就會有人衝出嚟話醫護工作壓力好大㗎好辛苦體諒下，久而久之就冇人再夠膽講真說話」、「部分醫X真係影衰曬行業」，但亦有部分網民認為事主應帶長輩去診所，「真心咁講句，長輩搬野整親，真係冇咩野好做」、「睇私家，食粒止痛藥先」，而事主亦有回應是因深夜長輩實在痛得厲害才選擇到急症看診。