港男誤踩女友名牌波鞋被當眾喝令即場抹或分手！霸氣回覆一句獲讚｜網絡熱話

不慎踩中女友名牌波鞋掀風波

男事主表示女友一向都是愛鞋、惜鞋之人，雖然早前經常滂沱大雨，但平日是「波鞋控」的女友仍堅持穿著大熱波鞋Dunk Low（一般價格為港幣2,500至4,000元不等）出街。男事主陪女友及其父母到餐廳食飯，被其他客人撞到失平衡，不慎踩中女友的波鞋，女友竟然大發雷霆，不顧一切當眾要求男友立即抹乾淨波鞋。

失控要脅分手 父母出聲無助降溫

男事主氣在心頭，但仍有分寸地回應「最多返屋企幫你洗對鞋」，詎料女友續道「唔得，要即刻！」女友父母見狀亦開聲勸導女兒收口，但女友的脾氣似乎一發不可收拾，失控地喝令男事主「一係即場抹乾淨、一係分手」，男事主再也忍不住，一句霸氣回應女友說「分手咪分手」，就頭也不回地離開現場。

網民贊同早走早著

網民一面倒贊同男事主霸氣的做法，有網民明言「師兄早走早著」、「公主病，以為全部都係佢嘅僕人」、「為咗對鞋同你當街分手，佢父母仲在場勸佢，真係可悲搞唔掂」。另外有網民看不過眼女友重視物質多於男友，「污糟咗咪返屋企抹乾淨，如果真係爛到出唔到街，咁咪買多對；男友只有一個，有必要嬲成咁嗎？」，獲另一名網民留言回應諷刺女友，「可能有幾個男友，所以唔上心」。

串爆女友「要靠對鞋證明自己識嘢」

亦有網民揶揄女友，「Dunk Low成街都係，著到cheap晒，本身都唔係貴，係被人炒到貴晒，為咩要因為對鞋咁對人，有錢咪買過對」、「Dunk Low啲料又唔係靚，你話踩到對Jordan就話啫」，獲另一名網民留言回應譏諷女友，「Dunk Low呢排興，要靠對鞋證明自己識嘢，污糟咗點得呀！」。

原文：

資料來源：Dcard