【港珠澳大橋】大橋開通非帶旺生意 電器鋪員工力數內地客六大劣行

撰文：Evita ｜圖片：Facebook、港珠澳大橋-香港段

電器鋪員工力數內地客六大劣行

有位電器店員工投稿至Facebook專頁「西客之道HIspitality Secret」，表示港珠澳大橋落成之後導致工作量上升。之後力數內地客六大劣行：「一大批入到嚟，成日都依嘩鬼叫乜都唔買返出去」、「拍枱拍櫈問你蘋果喺邊」、「明明有銀碼都要問幾錢」、「見到銀碼又問係咪港幣」、「要求畀折扣」、「質疑你賣假嘢、水貨」。

樓主又指陸客總是喜愛先擾攘一輪，然後又要員工先做他們生意。就連本地客看到他們連門口都怕入，有時本地客買東西都會被內地客又推又撞兼騷擾，員工叫他們不要擾騷客人，內地客就會找主任投訴。

樓主直斥政府不應再欺騙大家港珠澳大橋如何帶旺生意，指內地客其實是影響他們生意。

延伸閱讀：

內地網站推「香港辦年貨攻略」

平日水貨客、自由行已經逼爆香港，即將踏入農曆新年，相信香港各大適合 辦年貨 嘅地方都會被攻陷。年近歲晚，原來都有唔少網民喺網上分享「辦年貨攻略」，而其中一篇「香港上水廣場購物攻略」就成為今年陸客購物指南，內有詳細嘅行程、折扣優惠、交通提示。

最多人去嘅上水固然之會失守，但係原來中環國際金融中心（IFC）、沙田新城市廣場、連城廣場、銅鑼灣祟光百貨都受到內地客熱捧。有網民喺「百度貼吧」出post激讚IFC：「買的、吃的、看的一應俱全，無論你想入手甚麼年貨，IFC mall都應滿足你在香港的購物慾。」睇嚟今年中環上班族要應付陸客喇。

有內地網民亦喺內地網站撰寫詳細「香港年貨哪裡掃？」教學，裡面有列出六大重點，主要係教大家到沙田新城市廣場一站式購物，買傳統糖果、乾果就要到上水、元朗同屯門、就連上環海味街都係其中一個必到景點！

有內地旅行社推出5日4夜旅行團，每人盛惠3,125人民幣。旅行團行程主要包括全日迪士尼，黃大仙祠祈福、食米之蓮推薦晚餐，重點行程係去 辦年貨

。

唔單止咁，微信亦都整合出「香港春節購物優惠」，只要輸入相關字眼，系統就會回覆一連串優惠券同購物資訊。

眾多內地旅行團將會嚟香港，加上港珠澳大橋開通，內地人訪港就更加方便，今年月尾開始香港或會逼爆，各位港人不妨考慮去旅行或到較少人嘅地方吧！

居日公屋中國大媽狂數日本缺點

近日ViuTV節目《人住公屋 我住公屋》播出日本篇，由主持盤菜瑩子帶觀眾去到川口市「芝園團地」探索中國、日本雙方矛盾問題。主持盤菜瑩子帶大家到有40年歷史嘅日本川口市「芝園團地」，發現有一半都係中國人，隨處聽到普通話之餘又見到簡體中文告示。

盤菜瑩子訪問一位居日內地人：「呢到環境都唔錯啊！」受訪者就話：「食唔好啊！朋友又唔多，啲嘢食點同中國比啊？中國食乜有乜，有活雞、活魚，喺呢到餓又餓唔死，飽又飽唔死。」睇落呢位居日內地人唔係好滿意日本生活。

受訪者又繼續話：「返到中國，至少我有中國國籍啊！畢竟自己係中國人，有中國嘅心！」網民睇到呢到都紛紛表示：「講到咁好，點解你又唔返中國呢？」

而芝園橋樑策劃組主席，圓山王國就話有部分定居嘅中國人無做到入鄉隨俗，對日本文化同生活習慣既唔熟悉又唔適應。有住客講嘢大聲而被日本人提醒，最後竟然用暴力「解決」。

主席又話，發現公屋範圍嘅設施被寫上對內地人嘅壞話，例如「僅限日本人使用」、「中國人，滾回去」及「髒死了」等字句。睇嚟日本居民對於內地留日居民嘅處事待人去到爆煲位置。

盤菜瑩子喺片段最後提到一點：「中國人有句說話叫入鄉隨俗，你住喺人哋國家，應該知道要將垃圾分類，有啲地方唔可以隨便坐或者踎，佢哋聽唔明人哋鬧咩，呢個係最大嘅問題。」